Mércores. 01.12.2021
El tiempo

Falecen dous mozos nun accidente na estrada do Cabo C

Falecen dous mozos nun accidente na estrada do Cabo C
As estradas da bisbarra viviron un tráxico accidente na pasada madrugada entre onte, sábado 24 e hoxe domingo 25. E todo por mor dun fatídico accidente cun balance de dous mozos falecidos e un terceiro ferido leve. O suceso acontecía arredor das 05:30h na estrada que une Corcubión co Cabo C cando o Ford Fiesta vermello no que viaxaban os rapaces saíuse da vía e foise por un desnivel, por causas que aínda se descoñecen. Os falecidos son un veciño de Carnota, que era quen conducía o automóbil, e outro de Corcubión, ámbolos dous de 20 anos de idade. Do mozo carnotán trascendeu que é fillo do ex alcalde do municipio, José Oreiro. O terceiro ocupante do vehículo, que foi quen de salvar a vida, é tamén natural de Corcubión, coñecido como Cives. Estivo ao longo da mañá en dependencias sanitarias, pero segundo as últimas informacións, arestora xa se atopa no seu domicilio.

Enterros

O funeral do corcubionés partirá hoxe luns ás 17:00h da Igrexa de San Marcos para ser enterrado en Cee. O do carnotán Borja será ás 16:45h no cemiterio de San Mamede.

Outra saída de vía

Ademais, a estrada AC-552 vivíu unha nova saída de vía, a altura de Bustelo, dun Peugeot 206. Os pasaxeiros, da zona de Toba, non sufriron feridas graves. O accidente tivo lugar o sábado sobre as 18:00h.

Novas relacionadas

Accidentes no 2011

Fonte

Etiquetas: , , ,

comentarios