Que mellor maneira de presentalos en sociedade que cos grandes mitos do Fútbol da Costa. I é que precisamente o libro “Mar de Paixón. O fútbol na Costa da Morte” fala deso, da historia do deporte costeiro.

Esta pasada fin de semana o libro saía á luz tras varios anos de arduo traballo de documentación dos Luís E. Porto e Héctor Pose. Dende Malpica ata o último recuncho da bisbarra foron recadando anécdotas, datos, fotos... para sacar este libro que segue afondando no potencial do noso fútbol.

Unhas 40 persoas se achegaron ata a Taberna O Ribeiro de Corcubión para escoitar aos Sieso, Manolín e Calabanda, tres mitos do fútbol da Costa no sur da bisbarra. Dirixidos por Fran Hermida, e con Porto e Pose na mesa, a sesión serviu para sacar moitas das anécdotas que xa forman este libro.

En Carballo, na Libraría Brañas Verdes, Pose e Porto estiveron acompañados polos Ramón Piña, José Antonio Periscal, Fran Pallas, José Antonio Moreira, Óscar Suárez, Corredoira e José Antonio Cambón. Ademais, entre o público tamén había lendas activas da zona, noutra sesión de moita emoción e moitos parabéns.

Novas presentacións

Seguen sen parada os organizadores, e xa teñen previstos novos actos de presentación:

• Sábado, 14-12-13, ás 18:30 horas, en CORME, no resturante "Miramar".
• Sábado, 21-12-13, ás 19:00 horas, en MALPICA, no salón de actos do Concello.
• Sábado, 28-12-13, ás 19:30 horas, en LAXE, no salón de actos do Concello.
• Sábado, 28-12-13, ás 21:00 horas, en BUÑO, no restaurante "Casa Elías".

Puntos de venda

Polo de pronto, o libro está a venda nos seguintes puntos:

• Libraría "Brañas" (Carballo)
• Libraría "Roget" (Vimianzo)
• CF Dumbría (Dumbría)
• Kiosco "Rosalía" (Corcubión)
• Muxía CF (Muxía)
• Libraría "Milucho" (Buño)
• "Video Club" (Malpica)
• Libraría "Miguens" (Malpica)
• Libraría "Nova Colón" (A Coruña)
• Libraría "LER" (Santa Comba, Cee e Ponte do Porto)
• Libraría "Estanco" (Caión)

Se algún establecimento está interesado en vendela pode contactar con Luís Porto.

Novas relacionadas

• Os cromos, un estado de ánimo.
• O libro Mar de Paixón nace percorrendo ducias de anécdotas sobre a historia do Fútbol da Costa.

Artigos do Mar de Paixón

• Os imprescindibles.
• Miculita-Sieso-Manín: tridente letal.
• O Míster.
• Manolo… Manolo Casal.
• Periscal e… gol!.
• Remexer nos papeis doutros.
• Tonié.
• Un gol en Santa Comba.
• Domingo de fútbol.
• Un Mar de Paixón: Un proxecto…, xa traxecto.

Fonte

• Redacción de Deportes de QPC ([email protected]).