Venres. 29.03.2024
El tiempo

0 57% dos galegos non pode permitirse ir de vacacións

0 57% dos galegos non pode permitirse ir de vacacións
Manifestacion de Pobreza Cero convocada polas ONGs en Vigo- Miguel Nunez Hai unhas semanas, Feijóo suliñaba que a pobreza en Galicia descendera 2,5 puntos con respecto a 2008. Sen embargo, os datos que acaba de facer público o Instituto Nacional de Estadística (INE) dentro da Encuesta de Condiciones de Vida (ECV) suliña que a situación de pobreza só se mellorou catro décimas pero ese descenso non responde a unha mellora da situación senón a que ao diminuír os ingresos da poboación tamén o fai o límite que marca o risco de pobreza. Deste xeito, a poboación que vive por baixo do limiar da pobreza sitúase no 17,2 % en Galicia. Uns datos moi semellantes aos que hai pouco facía públicos Cáritas e que o presidente da Xunta, Alberto Núñez Feijóo, negaba no Parlamento. Con todo a porcentaxe elévase até o 27,3% se se utiliza o indicador AROPE de risco de pobreza ou exclusión social que é o que figura na estratexia Europa 2020 e o que permite comparar os datos de España cos do resto de países europeos, aínda que aínda non se ofrecen datos por comunidades autónomas axustados a esa metodoloxía. Segundo este novo estudo, as comunidades autónomas de Castela-A Mancha e Estremadura son as que rexistran maiores taxas de pobreza, por encima do 30% , e achéganse a esa porcentaxe Andalucía e Canarias. Mellor que a media están Navarra (9,9 %), País Vasco (10,5%), Madrid (13,4%), Cataluña (13,9%), ou Asturias (14,1%).

8,114 euros ao ano

O limiar de pobreza calcúlase en función dos ingresos do ano anterior, de modo que en 2013 o límite de pobreza dunha persoa situouse en 8.114 euros, e en 17.040 para os fogares compostos por dous adultos e dous menores, fronte aos 8.321 e 17.473 euros, respectivamente, de 2012. Os ingresos máis elevados por persoa, con datos de 2012, son os do País Vasco, cunha media de 14.312 euros netos, con Navarra (13.608), Madrid (12.823) e Cataluña (12.111) a continuación. Por contra, os ingresos máis baixos rexistráronse en Estremadura (8.224 de media), Murcia (8.253), Andalucía (8.408) e Castela-A Mancha (8.425). Segundo estes datos, Murcia (63,6%), Andalucía (57,4%) e Galicia (57,1%) presentan as maiores porcentaxes de fogares que non poden permitirse ir de vacacións fóra de casa polo menos unha semana ao ano.

Novas relacionadas

Comentarios