A Deputación aporta os fondos para a xerencia da CMAT

Costa da Morte FSF

14:50 29/02/16

Xose Regueira e Euardo Parga asinando o acordo entre Deputacion e CMAT

Segue dando pasos o ente que xestionará o Destino Turístico Costa da Morte os vindeiros anos. Despois da posta en marcha cos fondos da Xunta aló polo verán, chegou a ansiada partida da Deputación para contratar a Xerencia, como nos confirma o alcalde de Malpica Eduardo Parga. A entidade provincial asinou un convenio co Costa da Morte Asociación Turística (C.M.A.T) por 64.000€, fondos que permitirán ademais de contratar a secretaría técnica do ente, para contratar un servizo de comunicación audiovisual, unha campaña de promoción, a información dixital e aplicacións do ámbito turístico.

Así se acordou no convenio asinado entre o deputado de Turismo e Patrimonio Histórico-Artístico, o carballés Xosé Regueira, e o alcalde de Malpica de Bergantiños en calidade de representación do C.M.A.T. Eduardo J. Parga Veiga.

O proxecto ascende a 120.000 € dos que a Deputación da Coruña achega 64.000., un total de 53,33 %. Xa se desenvolveu o traballo web presentado en FITUR, e agora patronal e Concellos terán que poñer unha pequena parte do montante.