A dragaxe do Porto de Laxe xa ten Declaración de Impacto Ambiental
11:17 23/01/19
As mareas vivas sempre provocan desperfectos no porto de Laxe-Foto-Ojen
Dende 2008 leva Laxe esperando por unha solución para os problemas de seguridade no seu porto, e para solventar o desequilibro que sofre o seu areal, que escora e escora cara a zona do porto. Xa en 2008, o goberno socialista de Touriño redactara o primeiro proxecto, que foi sendo desestimado ano tras ano, a pesar de aparecer continuamente nos orzamentos anuais.
Parece que neste 2019 podería ser unha realidade, unha vez que a Consellería de Medio Ambiente, Territorio e Vivenda acaba de dar o visto e prace á declaración de impacto ambiental necesaria para levar a cabo o proxecto do dragado do porto de Laxe, impulsado pola Consellería do Mar e Portos de Galicia.
A actuación permitirá incrementar o calado dentro do ámbito do porto de Laxe, reducindo así os riscos que teñen para a seguridade das embarcacións os efectos asociados ao fenómeno de ondas longas e resonancia que se dan na enseada. Veremos se, unha vez realizado (a Xunta non pon data de execución) os barcos xa non teñen que marchar para Camariñas ou ir para terra cando hai marexada…
”Dragado=parche”
Mentres o voceiro do PP de Laxe, José Luís Pérez Añón sae “agradecendo o compromiso da Xunta” para con esta aprobación, dende BNG e PSOE non dan crédito, despois de todos os anos que levan denunciando o desdén do goberno popular co pobo de Laxe. Esta semana, de feito, Loli Toja, a Parlamentaria socialista, natural de Laxe, levará por enésima vez, o asunto ao Parlamento Galego. Toja lembra que “na Xunta sempre falou da dragaxe como unha medida provisional, e que non daba pasos adiante coas medidas necesarias para solventar todos os problemas de Laxe ata que non se fixera a dragaxe. Agora que o proxecto da dragaxe xa está en marcha, falemos das medidas definitivas, desa solución para a praia, que está volcada cara o porto".”E o dragado pa’cuando?”
Ao puro estilo Jennifer López, Toja pregúntase se este ano se fará o proxecto, lembra que “levamos retrasando a dragaxe máis de 10 anos, e na nota da Xunta non pon prazos, así que esperemos que non se retrase un ano máis”. “Especialmente despois do pasou en Malpica, hai que tomarse en realidade o tema real dos portos”. Aproveita Toja para lamentar que “a Xunta é moi rápida para solventar os temas de impacto ambiental dos eólicos, como vemos estes días coa implantación dos primeiros éolicos no Concello de Laxe, pero son moi lentos para estes asuntos de seguridade no mar”. Unha xa denunciara o BNG en 2017."Co dragado non se rexenera a praia"
Un BNG local, Xosé Manuel Pose que tamén lamenta ter tido razón dende hai 4 anos, que "a dragaxe íase activa antes das eleccións"... Continúa asegurando que "como portavoz do BNG paréceme insultante e unha falta de respecto institucional, porque nin como o BNG nin como goberno nos nos enteiramos de nada deste proxecto, polo que parece que volve o PP dos tempos máis rancios".
Pose reincide en que "este só é o primeiro paso, porque o dragado é necesario pero dentro do proxecto global. Repetimos que o dragado é como poñer unha tirita nun cancro. Por iso, se Laxe ten unha praia que vive do turismo, a praia non se rexenera só co dragado".
Novas relacionadas
- Xaneiro 18: Laxe xa non é un Concello Libre de Eólicos.
Novas sobre a dragaxe de Laxe
- Setembro 17: Eólicos vs Dragaxe de Laxe. Mariñeiros vs Unión Fenosa.
- Febreiro 2017: Confraría e grupos municipais volven unirse para solicitar a dragaxe do porto de Laxe.
- 01-02-2017: Temporal de mar en Laxe: barcos a terra (ou a Camariñas).
- Decembro 2017: A eterna parálise das obras de mellora do porto de Laxe volven atascarse no Parlamento.
- Xullo 2016: Laxe volve unirse por unha solución para o porto e a praia.
- Xuño 2016: O porto de Laxe, o punto incómodo entre os grupos municipais.
- Febreiro 2016: Portos abre a licitación das obras da dragaxe no porto de Laxe.
- Setembro 2015: O dragado do Porto de Laxe, incluído un ano máis no Orzamento da Xunta para o ano que vén.
- 23-10-14: O treito norte da Autovía e o dragado de Laxe, nos Orzamentos 2015.
- 19-08-14: Confraría e grupos municipais únense por unha solución aos problemas do porto de Laxe.
- 29-08-14: Emoción e vida nun ateigado Naufraxio de Laxe.
- 06-02-14: O Parlamento rexeita ataxar os problemas do porto de Laxe.
- 13-11-13: A area non quere marchar do paseo marítimo de Laxe.
- 14-06-13: O BNG de Laxe amenaza con denunciar a Portos se non acomete a obra do dique e a retirada completa dos áridos:
- 26-10-12: Solución temporal ao problema da area de Laxe.
- 20-06-12: Portos comprométese a solucionar o problema cos áridos en Laxe.
- 04-06-12: Novas melloras do Porto de Laxe sen novas do problema dos áridos.
- 04-04-12: O alcalde de Laxe pon no tellado da Xunta o problema cos áridos.
- 28-01-11: A area invade as rúas de Laxe e a Xunta pide unha solución.
- 03-03-12: O BNG de Laxe esíxe a Portos unha solución aos áridos dende a rúa.
- 06-02-11: O BNG de Laxe propón unha mobilización cidadá polo problema cos áridos coa Confraría á fronte.
- 24-10-11: O BNG de Laxe cre que a actuación de Portos cos áridos é un parche.
- 10-10-11: Portos limpa a area acumulada no porto de Laxe e agarda á primavera a solucionar a raíz do problema.
- 26-09-11: A area da praia de Laxe xa chega a Bruxelas.
- 06-09-11: Que foi dos áridos da praia Laxe?.
- 10-07-11: O BNG de Laxe levará os problemas co porto e a praia a Europa.
- 22-06-11: O BNG de Laxe denuncia que a Xunta non comece as obras para solucionar o problema cos áridos.
- 14-06-11: O BNG laxense esixe a solución do problema cos áridos.
- 15-04-11: Comezan os traballos para solucionar os problemas coa area en Laxe con disputas políticas.
- 07-03-11: O BNG de Laxe critica que PSOE e PP eludan responsabilidades co problema dos áridos.
- 28-01-11: A area invade as rúas de Laxe e a Xunta pide unha solución.
- 09-12-10: Problemas na praia de Laxe trala ampliación do dique.