Os alcaldes da bisbarra esixen a homologación do Camiño dos Faros como ruta de gran percorrido, tras 5 anos de trámites
Se o Camiño dos Faros cumprirá este vindeiro mes de decembro 7 anos, xa van para 5 anos dende que a Costa da Morte solicitou a súa homologación como ruta de Gran Percorrido. Unha singradura máis complicada da que se imaxinaban os trans@s aló por 2014, cando confiaban nas administracións para oficializar un recurso turístico creado dende a sociedade civil.
Pero a pesar do teórico apoio da Deputación e da Xunta, a homologación segue no aire.
Así o sinalaron o pasado venres os alcaldes da Costa da Morte nunha xuntanza entre a Asociación Camiño dos Faros e a CMAT, presente como ente xestor do xeodestino.
Nesta reunión, informouse da situación actual do proceso de homologación e presentouse o plan de limpeza nos concellos dos territorios por onde pasa o Camiño dos Faros.
Os trasnos explicaron os evidentes beneficios e as necesarias implicacións que conleva a homologación do Camiño dos Faros para o territorios e para o turismo da Costa da Morte. A Xornada rematou cun compromiso por parte dos territorios implicados no Camiño dos Faros e na busca de solucións para a súa regulación e homologación.
A CMAT valora o produto
A CMAT apoia este proxecto posto que comparte os seus obxectivos cos do seu Plan de Acción para o Turismo da Costa da Morte 2019-2021. “O Camiño dos Faros é un dos produtos máis importantes e transversais do destino xa que conxuga patrimonio natural e cultural, así como material e inmaterial o que se identifica como unha oportunidade clara de desenvolvemento turístico para Costa da Morte”, sinalan, como recollía hai pouco o suplemento de viaxes do Washington Post.
Novas relacionadas
- Maio 19: O Camiño dos Faros non ten límites.
- Marzo 2019: O Camiño dos Faros véndese en Francia.
- Decembro 17: A Deputación aproba o financiamento do proxecto de homologación do Camiño dos Faros como GR.
- Xaneiro 2017: A Xunta corrobora o seu compromiso para axudar a homologar o Camiño dos Faros como GR.
- Decembro 2016: O Camiño dos Faros cumpre 4 anos.
- Novembro 2016: O Camiño dos Faros, produto estrella na World Travel Market.
- Xuño 2016: Novo compromiso para homologar o Camiño dos Faros como Ruta de Gran Percorrido.
- Xaneiro 2016: Os pioneiros trans@s mapean o Camiño dos Faros coa tecnoloxía de Google.
- Decembro 2016: O Camiño dos Faros volve á TVE con Edu Soto.
- Novembro 2015: Os alcaldes únense á loita pola homologación do Camiño dos Faros como Sendeiro GR.
- Decembro 2014: A Costa da Morte aposta unida por un Camiño dos Faros Ruta de Gran Percorrido.
