Amorodio levará 'Brazaletes’, a obra do xesto de dous futbolistas contra o franquismo, aos centros de ensino
Que importante levar a realidade da ditadura aos centros de ensino da comarca. Por iso vale moito a iniciativa de levar accións que lles fagan visibilizar ás novas xeracións que implicou exactamente os tempos de Franco.
Despois da residencia artística e a preestrea en Vimianzo, a obra ‘Brazaletes’ chegará a 8 centros educativos da provincia gracias á área de dereitos civís da Deputación da Coruña.
A obra, da compañía Amorodio Teatro, reflexiona sobre o vínculo existente entre o fútbol e a política, a través dun monólogo escrito e protagonizado por Javier Castiñeira, baixo a dirección de Santiago Cortegoso, coa dramaturxia de Ernesto Is e co deseño de iluminación de Violeta Martínez
A súa estrea coincide cun fito histórico: o 50 aniversario dos últimos fusilados do franquismo. Ao día seguinte, dous futbolistas saltaron ao campo con brazaletes negros en memoria dos fusilados.
“Brazaletes conta esa historia que non aparece nos libros de texto. Unha historia, como tantas outras, de protesta, nun tempo no que a protesta podía custarche a vida, unha protesta por dignidade, por visibilizar a nosa oposición e a nosa repulsa” sinalou a deputada, que tamén parabenizou a Amorodio Teatro “por ser valentes, por levar ao teatro as verdades silenciadas pola historia que contaron os vencedores”.Dende a compañía agradeceron á Deputación “a oportunidade” de divulgar esta historia entre a rapazada, así como da importancia de “significarse tamén no ámbito do fútbol, cunha gran influencia social”, e de que “a xuventude sinta o vínculo co teatro”, a través dunha historia de memoria e reflexión, sobre “unha España que hai que recordar para non repetir”.
Lista de coles
- Luns 27 de outubro Auditorio do Centro Cívico de Malpica
- Martes 28 de outubro Centro Sociocultural Mingos de Pita Melide
- Mércores 29 de outubro Auditorio Municipal Muros
- Xoves 30 de outubro Centro Sociocultural de Baio
- Martes 4 de novembro IES de Fene
- Mércores 5 de novembro Auditorio Municipal de Padrón
- Xoves 6 de novembro Liceo de Noia
- Venres 7 de novembro Centro Sociocultural de Negreira
