As irregulares altas e baixas do alcalde de Coristanco

07:22 23/03/18

Abraham Gerpe e Antonio Pensado Plagaro compartindo execicio de alcalde na Festa da Pataca de Coristanco 2017, apenas un mes despois da polémica moción de censura

A política de sainete do Concello de Coristanco segue sendo un caso único en Galicia. A esperpéntica moción de censura do pasado verán deixou ao Concello á deriva, cun alcalde que fai de “ventre de aluguer” (como chaman os ruxe-ruxe da zona a Abraham Gerpe) que vive en mans do eterno alcalde coristanqués, o Antonio Pensado Plágaro.

O popular, sobre o que pesa unha petición da fiscalía de 4 anos e 6 meses de cárcere e 12 anos de inahibilitación, segue exercendo o bastón de mando como antes de perder a alcaldía. Ata o punto que foi o propio Pensado Plágaro o que impuxo o novo soldo que cobra dende o pasado mes Gerpe. De feito, non sabía Gerpe que Plágaro fixo un dos seus arranxos para que Gerpe cobrase a efectos dende o 25 de agosto de 2017, a pesar do seu reiterado argumento que non ía cobrar dedicación para non cargar ás precarias arcas municipais cos seus máis de 3.000€ brutos.

Chegaron polo medio dous accidentes de coche que provocaron sendas baixas, o que acabou provocando unha dualidade nas contas da Seguridade Social, que en outubro remitía un escrito ao Concello polo que non se lle modifica a alta na Seguridade Social con efectos retroactivos a data do 25 de agosto. Era unha resposta emitida pola SS a un documento enviado polo alcalde en funcións durante a baixa de Gerpe, que non era outro que Pensado, no que solicita a alta con efectos retroactivos desde 25 de agosto de 2017. Un documento do que non consta rexistro municipal, un caso típico para casos de falsificacións documentais polas que está acusado Plágaro.

Como é posible que un alcalde cobre un soldo, ao mesmo unha baixa, sen estar dado de alta sequera na Seguridade Social? preguntábanse os membos de TEGA, que procederon a denunciar o caso.