A lenta agonía dunha balea común en Nemiña

rorcual varada

13:41 16/01/19

Balea comun varada en Nemina-Foto-Javier Carballo

Balea común varada en Nemiña-Foto-Javier Carballo Duros momentos os que se viven esta mañá de mércores 16 de xaneiro en Muxía. Unha cría de balea común (tamén coñecido como rorcual común) agoniza no areal de Nemiña. Aínda vivo aletea levemente, saca pequenas respiracións, pero mantén os ollos pechados sen poder volver ao mar. Co Coordinadora de Estudos de Mamíferos Mariños de camiño dende Pontevedra, Protección Civil e Policía Local, coa axuda de veciños intenta empurralo coa axuda dun tractor, pero a operación está sendo imposible, pois a marea está baixando. ”Está viva pero está moribunda, respira moi pouquiño, está sen forzas”, descríbenos dende o lugar Javier Carballo, que apunta que “este animal tiña que vir acompañado dun adulto, pero non sabemos que lle puido ter pasado pois non ten golpes aparentemente”. https://www.facebook.com/quepasanacosta/videos/1315531151933409/?t=0 Ducias de veciños achegáronse ao lugar mesmo coa intención de axudar, meterse na auga e axudar a devolvela ao mar, pero finalmente non foi posible.

O CEMMA conseguiu chegar arredor das 14:30h, pero non puido facer nada por ela. "Foi un día moi complicado moito moito", explica Alfredo López do CEMMA, que recoñece que "foi mal. Non se puido facer nada pola balea. Morreu pola tarde".