Unanimidade no pleno deste pasado luns en Carballo para aprobar a unha moción presentada polo PSOE local para incluir o edificio do Casino no Catálogo do PXOM, coa intención de protexelo urbanísticamente.

As camisetas brancas de #SalvaOCasino invadiron o salón de plenos para arroupar este cambio da ficha urbanística dun edificio centenario que pode cambiar o seu futuro. Un edificio histórico, cheo de vida dende hai máis de 100 e ata os nosos días, que está pendente dunha posible operación de especulación inmobiliaria.

Parece evidente que a mobilización social na vila carballesa é clara. Xa se demostrou no seu día conseguindo recadar 70.000€, unha cifra histórica, nunha semana para poder paralizar o proceso de venda a unha promotora inmobiliaria, e así lévase facendo dende 2018, coa constancia da organización de eventos, enchendo de vida este espazo vivo.

HISTORIAL SOBRE O XUÍZO DO CASINO

• Novembro 25: O PSOE propón incluír o edificio do Casino1889 no Catálogo de Protección do PXOM.
• Abril 23: Carballo volve a unirse para salvar o Casino e apelar unha sentenza que consideran "pouco rigorosa"
• Marzo 23:A Asociación Casino 1889 afronta combativa a senteza xudicial sobre o edificio
• Xullo 22: O Xuízo do Casino, visto para sentenza.
• Xullo 22: O Xuízo do Casino1889: “Temos a sensación de que seguramente non vai ser o final disto”.
• Marzo 2022: O Xuízo que decidirá o futuro do Casino adíase ao 12 de xullo.
• 04-03-222: Un maratón de actividades para #SalvaroCasino.
• 28-02-022: A presión inmobiliaria ameaza o emblemático Casino de Carballo.
• Febreiro 2022: Un mes para salvar o Casino.
• Abril 2020: O xuízo pola propiedade do Casino 1889 terá que agardar.
• Marzo 2020: Xa hai data para o xuízo do edificio do Casino: “Contamos coa baza social para vencer á especulación”.
• Febreiro 19: O Casino 1889 quere recuperar o seu mítico bar e afía armas para o xuízo pola propiedade.
• Setembro 18: A “Xente Bonita” salva o Casino
• Agosto 18: Os socios e colaboradores salvarán o Casino cos seus microcréditos.
• Outubro 18: O Casino de Carballo, ou como a cultura pode ser pasto da especulación