Avanza, ao longo do curso, a campaña “Falemos + Galego”. Un proxecto educativo que, por terceiro ano consecutivo, se desenvolve nos 14 centros da comarca que imparten Educación Secundaria Obrigatoria, Bacharelato e Formación Profesional, para reverter o devir lingüístico entre a mocidade do país. Unha iniciativa que crea identidade e comunidade, que tece redes, que fortalece o orgullo de pertenza á comarca e a promover o uso e o prestixio social da lingua galega entre a mocidade.

Tralo fermoso festival de fin de curso do ano pasado na Barca, este ano tócalle ao IES Maximino Romero de Lema facer de anfitrión e organizador do concurso e da Gala.

Unha gala que se celebrará o xoves, 18 de xuño, a partir das 10:30h na Praza Jorge Mira, Baio (A Coruña), á que acodirán centos de rapaces da zona, para goxzar das sorpresas culturais que arma o centro baiés, e para coñecer os gañadores do concurso convocado para a creación dun lema, un logotipo e un vídeo en defensa do galego. Un certame do que volveremos formar parte do xurado dende a familia de QPC.
A Gala verase tamén enriquecida por intervencións musicais a cargo de alumnado e de intérpretes convidados, que conferirán ao acto un especial relevo cultural.

Os centros participantes:

• IES Maximino Romero de Lema (Baio-Zas), o anfitrión.
• IES Lamas de Castelo (Carnota),
• CPI Plurilingüe A Picota (Mazaricos),
• IES Fernando Blanco (Cee),
• IES Agra de Raíces (Cee),
• IES Fin do Camiño (Fisterra),
• IES Ramón Caamaño (Muxía),
• IES Terra de Soneira (Vimianzo),
• IES Plurilingüe Pedra da Aguia (A Ponte do Porto – Camariñas),
• CPI de Zas, CPI As Revoltas (Cabana de Bergantiños),
• IES Urbano Lug ís (Malpica),
• IES Parga Pondal (Carballo),
• IES Eduardo Pondal (Ponteceso).

Máis novas