Coristanco mellora a rede de saneamento en Traba e Agualada

cine viejo

08:10 01/04/14

Mellora no saneamento das parroquias de Traba e Agualada de Coristanco

Coñecimos a semana pasada as achegas que a Xunta leva aportado aos concellos da bisbarra a través do Fondo de Compensación Ambiental, que permite aos concellos beneficiarse do canon eólico. Unha devolución polo custe de acoller parques eólicos e non ter ningunha clase de beneficio en materia enerxética.

Desta volta, toca quedarnos en Coristanco, para repasar os traballos de recuperación medioambiental e mellora do entorno que o Concello leva a cabo cos 62.000€ do Fondo. Se ben parte da achega do departamento autonómico destinouse a sufragar os gastos de funcionamento do concello, polo que podemos comprobar que os fins do Fondo son bastante variables.

En todo caso, as obras permitiron mellorar a rede de saneamento nas parroquias de Traba e Agualada, os dous núcleos de poboación máis grandes do concello. As intervencións levadas a cabo consistiron, na parroquia de Traba, na extensión das canalizacións desde os lugares de Traba e Capelán ata Canal, así como a instalacións de 21 pozos de rexistro e outros tantos sumidoiros. Na Agualda, instalouse unha fosa séptica e un filtro biolóxico.

Axudas do Fondo de Compensación aos Concellos da zona

Nove municipios das comarcas de Bergantiños, Soneira e Fisterra foron beneficiados por estas axudas con máis de 800.000€ en total. Estes municipios suman un total de 445,5 aeroxeradores dentro dos seus límites, mentres que oito deles dispoñen de máis de 83.000 metros de liñas de conexión, polos que recibirán preto de 780.000 euros.

Concello	Aeroxeradores	Metros de liña	Subvención

Cabana	13	8.497	33.155 euros
Coristanco	27	13.654	62.033 euros
Malpica	69	1.208	101.009 euros
Ponteceso	63	18.713	109.041 euros
Camariñas	62	6.346	99.747 euros
Vimianzo	68	21.869	134.849 euros
Zas	28,5	7.087	52.974 euros
Dumbría	114	5.737	173.275 euros
TOTAL	445,5	83.111	767.517 euros