Sábado. 24.08.2019
El tiempo

A Costa da Morte demostrou a súa eterna solidariedade cos refuxiados palestinos

Emotiva e comprometida cita a que se viviu este pasado luns 5 de xaneiro no Auditorio Baldomero Cores da Casa da Cultura de Cee. Mohamed Safa preparaba esta nova Gala en Solidariedade cos Refuxiados Palestinos, e a veciñanza da comarca de Fisterra volveu demostrar a súa implicación nun conflito que leva anos coñecendo de primeira man.

Gala polos Refuxiados Palestinos en Cee-Foto-Rafa Quintans
Gala polos Refuxiados Palestinos en Cee-Foto-Rafa Quintans
A Costa da Morte demostrou a súa eterna solidariedade cos refuxiados palestinos

E precisamente foi esa idea, que a solidariedade chega ata os sitios máis pequenos e que necesitamos da implicación de todos para loitar contra as inxustizas do noso mundo, foi un dos fíos condutores da Gala. Así, as 250 persoas que asistiron e colaboraron economicamente coa súa entrada cos Refuxiados palestinos, demostran que o poder da axuda ás veces escapa da política mundial, calada ante unha das catástrofes humanitarias máis eternizadas do planeta.

A gala, que durou máis de 3 horas, foi presentada pola brava Isabel Risco, coordinada por Suso Bahamonde, e coa escena fantasticamente ambientada por Sole Méndez, na que o humorista Pepe Viyuela, co que falabamos a semana pasada, foi o encargado de darlle o toque nacional a un evento realizado no recuncho do occidente europeo.

Case cheo na Casa da Cultura para a Gala polos Refuxiados palestinos-Foto-Rafa Quintans

Case cheo na Casa da Cultura para a Gala polos Refuxiados palestinos-Foto-Rafa Quintáns

O compromiso social e as risas, compartiron protagonismo coa poesía recitada polos membros do Batallón Literario da Costa da Morte e a música de Javi Turnes ou The Inversos. E precisamente todos eses poetas que se implicaron, dende as premiadas Lola Schutz ou Branca Vilela ata a novas Elena Busto ou Juan Lema, pasando por Luís Ares, David Creis, Álex López, Xaime Trillo, Serxio Iglesias (e a guitarra de Elías López), non fai máis que incidir na idea da implicación, de non rendirse... para conseguir facer o planeta un pouco mellor. Todos, absolutamente todos os que participaron na gala (o propio Viyuela, os técnicos de son, Isabel Risco… participaron de balde no acto).

Pepe Viyuela na a Gala polos Refuxiados palestinos-Foto-Rafa Quintans

Pepe Viyuela na a Gala polos Refuxiados palestinos-Foto-Rafa Quintans

Dereito a volver as casas

O recadaudo vai para UNRWA, Axencia da ONU para os Refuxiados Palestinos, para levar a axuda directamente aos 5 millóns de refuxiados dispersos na franxa de Gaza, Líbano, Siria… A gala servi para abrir unha ventana aberta a este asunto, pois segue sendo a chave ese gran símbolo de esperanza de volver ás súas casas. “Porque o concepto de refuxiado é un concepto que se debe asociar á transitoriedade”, sinalaba Safa, pero neste caso, e con case 70 anos de conflito, o concepto de refuxiado palestino xa case se está convertindo en crónico, xa case non hai palestinos “normais”, reflexionaba.

Precisamente, a UNWRA, ademais de recadar directamente estes fondos, tamén está en plena campaña de captación de socios, despois de que Trump veña cortar toda clase de axuda aos refuxiados palestinos.

O vindeiro 2020, máis.

Mohamed Safa na a Gala polos Refuxiados palestinos-Foto-Rafa Quintans

Mohamed Safa na a Gala polos Refuxiados palestinos-Foto-Rafa Quintáns

Novas relacionadas

Comentarios