Ducias de concentracións por todo o país se celebran este luns 5 de xullo en repulsa ao asasinato de Samuel. Un suceso acontecido esta fin de semana, cando uns mozos daban unha malleira a Samuel, un veciño da Coruña de 24 anos, acabando coa súa vida.

A reacción foi inmediata e a sociedade demostra o seu rexeitamento a esta clase de sucesos homófobos.

• En Laxe (ás 20:30’h na Praza Ramón Juerga).
• En Cee (ás 20:30h na Praza 8 de marzo).
• En Carballo (ás 20:00h diante do Concello).
• En Camariñas (ás 12:00 diante do Concello.
• En Malpica (ás 20:00h diante do Concello).
• En Vimianzo (ás 20:00h diante do Concello).
• En Ponteceso (ás 20:00h na Praza do Recheo).

Dende o Concello de Camariñas, por exemplo, a responsable da área de Igualdade Begoña Tajes incide en que “non podemos tolerar que, en pleno 2021, a lgtbifobia siga formando parte das nosas vidas. Tocoulle a Samuel pero, por desgraza, isto poderíalle pasar a calquera fillo/a, amigo/a. Por iso, é preciso loitar para erradicar toda a violencia homófoba nas nosas rúas”. Coa concentración deste luns buscará, precisamente, reivindicar xustiza para Samuel co fin de que tales feitos non volvan ocorrer.

Novas relacionadas

• 28-06-21: Implicación dispar na celebración do Día Mundial LGTB+ .
• A exposición “A Rede Visible” visibiliza ás mulleres LBT por Carballo.
• 2018: Pablo San José: "Eu son un mozo transexual e vou á miña aldea como pode ir o meu primo, que tamén é un rapaz”.