Andar todo o día ao mar, pelexando cas ondas, velas pasar por riba, coller frío durante horas por moito neopreno e moitas converse que leven… ten as súas consecuencias en materia de saúde. Son moitos os percebeiros que sofren de enfermidades nos oídos. Só en Corme son 3 os recén operados de Exostosis e moitos máis que teñen problemas continuados.

”A auga do mar queda atrapada e estancada na canle auditiva, e pode xerar bacterias patóxenas que ocasionan periodos de otitis externa que se manifestan como sensación de taponamento, dor, e secreción purulenta polo conduto auditivo externo”, explican os expertos. Esta enfermidade, chamada “exóstosis”, pode provocar grandes perdas de audición.

Adóitase chamar “a enfermidade dos surfeiros”, pero “perfectamente podería chamarse a enfermidade dos Percebeiros”, recoñecéronlle varios especialistas a varios percebeiros que tiveron que operarse nas últimas datas.

Ao cormelán Roberto Vidal, operáronlle do oído, metendo unha prótesis de titanio, ligando o oso da orella porque tiña o conduto taponado. Aínda lle queda o outro oído por operar máis adiante, pero nese parece ter menos perda auditiva.

Son varias as semanas de baixa, pero a problemática é que en teoría deben pasar 4-5 meses sen mollarse. “Son percebeiro, lémbrate”, respondeu Vidal á esta advertencia, lembrando tamén a importancia de usar tapóns tipo os de tombo.gal

Enfermidade laboral

Unha vez que o colectivo vén de decatarse da importancia desta enfermidade, comeza a batalla para conseguir que sexa unha enfermidade derivada do traballo como conseguiron as mariscadoras cos reumas e demais… Estes días están mantendo reunións dende a Asociación de Percebeiros de Galicia (cos de Corme e Muxía como grandes baluartes) as primeiras reunións, como a realizada onte A primeira foi este pasado venres con representantes de Podemos.

Máis novas sobre percebeiros