O castelo de Santa Cruz acolle durante o mes de xullo a mostra "Cos Pés na Terra" Centos de refugallos das praias da Costa da Morte serán os protagonistas da exposición "Cos Pés na Area" organizada conxuntamente por Mar de Fábula e o colectivo RetoqueRetro e que se inaugura o vindeiro venres, ás 20:30 horas, na sala de exposicións do CEIDA - Centro de Extensión Universitaria e Divulgación Ambiental de Galicia - situado no castelo de Santa Cruz (Oleiros). Segundo indican os comisarios, a exposición é unha proposta de diálogo a tres bandas entre un mar que reclama a atención da sociedade actual devolvéndolle arreo aquelo que non é seu, e dous colectivos artísticos diferentes e ao tempo complementarios que, respondendo á súa chamada, integran nas súas obras, nunha íntima e paciente tarefa, as crebas e o lixo mariño que retiran da ribeira. O equipo artístico de RetoqueRetro, seguindo a ancestral tradición galega de recoller tesouros procedentes de naufraxios e lugares lonxanos que o mar deposita nas praias, fan das crebas a sua peza estrela. Madeiras preesculpidas polas mareas e a intemperie e que eles rematan dándolles a forma que lles suxiren: barcos e peixes, faros e sereas, bosques e dragóns, seres mitolóxicos, zooides e humanoides... E pola súa banda, Mar de Fábula fai do lixo mariño o alicerce da súa obra: animais fantásticos de todas as formas e tamaños, con vísceras circulares e grandes ollos abraiados. Peixes, vermes, libeliñas, arañas e formigas, criaturas caóticas, mounstruosas pero inofensivas, xurdindo dos fondos abisais e sumidas no desconcerto porque saben que, en circunstancias normais, non deberan de existir porque todas elas teñen os seus corpos de plástico. Concienciación ambiental Esta exposición é tamén unha proposta conxunta de concienciación ambiental e fonte de inspiración que debera levar aos visitantes a un necesario replantexamento de relacións entre a sociedade actual e o mar. Toda a obra incorpora os residuos que o mar nos devolve con maior intensidade: O lixo - principalmente os plásticos - procedentes da desontrolada actividade humana. A exposición pódese ver de luns a venres, en horario de 10 a 14 horas e de 17 a 20 horas, e os sábados de 11 a 14 horas. Novas relacionadas

• Mar de Fábula continúa co traballo de limpeza de praias
• A ensenada do Coído de Touriñan relucirá de novo, agora si, grazas a Mar de Fábula
• As criaturas caóticas de Mar de Fábula chegan á praia de Ariño
• Mar de Fábula falará co mar nos coídos do Touriñán
• Mar de Fábula recolle 560 bastonciños de algodón en cen metros de praia
• Mar de Fábula mobiliza ao voluntariado para limpar a praia do Lago
• O impacto ambiental dos bastóns de algodón
• Mar de Fábula e as mariscadoras recuperan a enseada da Basa
• Os voluntarios de Mar de Fábula curan a ferida plástica do Coído de Touriñán
• Mar de Fábula prantexa unha limpeza ecolóxica para recuperar a dignidade do Coído de Touriñán
• Unha fábula moi ecolóxica.
• A Costa móllase polas súas praias.
• A veciñanza salva os areais.
• Limpeza Simultánea 2013: Limpando praias e conciencias.
• Plásticos que invanden areais.
• Loitando contra a invasión do plástico.
• Crebas en forma de tartaruga e chapapote en Fisterra.

Fonte 

• Redacción QPC ([email protected])
• Mar de Fábula