Sucesos coma o que acontecía onte nas rochas de Reira fan saltar a voz de alarma en zonas costeiras como a nosa. A dependencia para tomar decisións é tal que ata a información de prensa sobre Salvamento Martítimo, dende hai un par de meses, só nos chega dende Madrid. E cando acontecen sucesos coma este, as mesmas voces que levan máis de 11 anos berrando por un pouco máis de autogoberno, alomenos en materias que nos atinxen máis que aos de interior, volven a saltar. Onte, afortundamente era terra o que levaba Casón ou do propio Prestige (sen culpable algún). “Ista catástrofe amosounos a debilidade que temos en materia de seguridade de tráfico marítimo e a precariedade de medios para a loita contra a contaminación marina no corrredor de Fisterra, un dos que maior tráfico rexistra”, valora o BNG camariñán. Un grupo que valora que “non se avanzou nada e aquela máxima de “quen contamina paga” a raiz da triste sentenza quedou en papel mollado e os culpabeis (goberno da Xunta e Goberno do estado) en acusadores contra a cidadania que se movilizou e axudou a mitigar os efectos de tan funesta marea negra”. ”A deriva desta Gabarra amósanos que aínda non se incrementaron os medios materiais dedicados ao salvamento e a loita contra a contaminación marina. Que a Costa da Morte e a costa de Camariñas non está o suficientemente protexida no caso que isto se convirta nunha catástrofe como a do Prestige”, denuncian. E tamén, como non, “que a lexislación en materia de comisión de delitos ecolóxicos marítimos é demasiado branda na sua aplicación”.

As competencias ao Congreso

Recentemente o BNG no Congreso dos Deputados presentou unha proposta para transferir a Galicia as competencias en Salvamento Marítimo e Loita Contra a Contaminación Marina e endurecer as Leis en materia de Delito Ecolóxico no caso da Contaminación Marina que finalmente foi rexeitada polo P.P. Nesa liña, o BNG de Camariñas “reafirmase no traspaso de competencias e endurecer as leis para o caso da contaminación marina como xeito de evitar outra catástrofe do Prestrige en Camariñas e na Costa da Morte.

Novas relacionadas

• Unha gabarra encalla nas rochas do Reira.
• Nin un só culpable pola catástrofe do Prestige.
• Casón: 25 anos de histeria colectiva.
• 12-12-13: Un pesqueiro de Fisterra encallou nas rochas do Ézaro.
• Por unha base loxística de Salvamento propia no porto refuxio de Brens.
• De pecios ou tesouros submariños.
• Os mapas de naufraxios de Pepe de Oleghario. Uns verdadeiros tesouros.

Fonte

• Nota de prensa do BNG de Camariñas.
• Redacción de QPC ([email protected]).