Luns. 30.11.2020
El tiempo

Polbo e nécoras [email protected]: Os profesionais da nasa lamentan a nefasta xestión das vedas por parte da Xunta

Santiaguiños, nécoras e polbo ovados capturados estes días no mar da ría de Muros
Santiaguiños, nécoras e polbo ovados capturados estes días no mar da ría de Muros
Polbo e nécoras [email protected]: Os profesionais da nasa lamentan a nefasta xestión das vedas por parte da Xunta

Van moitos anos de loita do sector da pesca artesanal, concretamente no sector do polbo, por unhas vedas máis prolongadas adaptadas á sustentabilidade e ao mantemendo dun recurso que dá moitos postos de traballo en Galicia e na Costa da Morte. Pero a realidade é que a veda do polbo segue a ser de apenas un mes, e ademais adaptadada para coincidir coa temporada estival cando a demanda hostaleira é maior, no canto de pensar nos ciclos biolóxicos do animal.

A realidade é que dende a reapertura do polbo, o pasado 1 de xullo, o polbo escasea. “Non somos capaces de coller 20 kg de polbo”, explica un mariñeiros muradán. Por exemplo, un día de lonxa apenas se subastaron 25gk de polbo entre toda a flota.

Ademais de esquivo, o polbo está ovado (non tivo tempo a desovar) nesta época do ano, como lle acontece a outras especies que tamén abren agora, como os santiaguiños ou as nécoras.

Ante esta realidade, repetida nos últimos anos, Confrarías como Fisterra, Muros, Lira… Os profesionais da nasa lamentan o esquecemento da Consellería de Mar ás súas peticións, pois levan máis de 15 anos pedindo unha veda máis completa, de entre 2,5 e 3 meses. Unha veda máis parecida a que fan en Asturias (5 meses) ou Andalucía (3 meses), orientadas ademais ao desove e ao equilibrio ecolóxico, é dicir, na estabilidade do recurso para manter viva a flota.
A coxestión que practican zonas como Cataluña parécelles mesmo unha utopía.

E iso que, cómpre lembrar, as vedas son costeadas polo propio sector, que non pode traballar o seu produto principal pero ten que seguir costeando as cotas, etc…

Dase a circunstancia, coma sempre acontece no mar, que non todas as vontades reman na mesma dirección. É certo que parte do sector da pesca prefire curtos periodos de veda. Barcos que traballan varias especies e que aproveitan o polbo como comodín, prefiren telo aberto todo o ano para ir cando non teñen outros recursos.

En todo caso, o sector lembra que a xestión das vedas é 100% da responsabilidade da Xunta de Galicia e lamentan que as políticas dos últimos anos vaian máis encamiñadas á derrocar o sector que a axudalo a sobrevivir, e a manter milleiros de postos de traballo e unha forma de vivir do noso país.

Artigos sobre o polbo

comentarios