Un recoñecemento aos padriños do Concurso de Murais de Lar
Esta pasada fin de semana coñecimos os gañadores do Certame de Murais de Azulexo de Lar. Esa proposta transversal, que se mete de cheo nos plans de estudo dunha ducia de coles (e entidades sociais) de toda a provincia, e que lles permite á rapazada mergullarse nun coñecemento singular.
Este ano a temática foi sobre naufraxios, e para axudarlles a investigar e a descubrir cousas sobre o noso patrimonio arqueolóxico subacuático, cada grupo tivo un padriño ou madriña. “O seu cariño, a súa axuda nas propostas, sempre pensando no alumnado e nos usuari@s das asociacións que forman esta familia, foi fundamental para o fermoso desenvolvemento deste certame”, asegura Tatiana Rodríguez, a responsable da RSC da empresa ceense.
Por iso cómpre destacar a labor de todos os que formaron este apadrinazgo, a maioría moi vinculados á nosa bisbarra, que foron designados por sorteo:
- Pepe de Oleghario axudou a APEM.
- Nacho Porto ao IES Isidro Parga Pondal.
- Pepe Formoso ao IES Fernando Blanco.
- Antón Castro ao Colexio Manuela Rial.
- Gonzalo Rodríguez a Aspaber.
- Francesc Busquets ao IES Praia Barraña.
- Félix Quintero ao IES Ramón Caamaño.
- Covadonga Carrasco ao Colegio Andaina.
Un dos padriños é Félix Quinteiro. “A experiencia foi moi positiva xa que os rapaces e rapazas fixeron uns murais con moito traballo e imaxinación. Penso que eles aprenderon moito sobre a importancia do traballo en equipo. E o resultado é moi positivo, e a proba está por exemplo na exposición da Mariña da Coruña cos dos faros da Costa, moi visitada e comentada. Con todo, eu penso que a dos pecios aínda pode superala”, sinala. “Ademais foi unha mañá de ledicia e xuventude, que despois do que levamos pasados estos dous anos, é moi necesario”, apunta un dos membros da familia do CM Carrumeiro.
Outro é Pepe Formoso “foi unha experiencia moi grata. Estou moi contento, porque ademais eu levo dende a primeira edición participando neste proxecto, na chuvia de ideas, e me sinto querido como se fora da casa. Ca responsabilidade de divulgar aínda máis este fermoso proxecto”.
Novas do Concurso de Murais
- Xuño 22: APEM leva o primeiro premio do Certame de Murais de Azulexo de Lar.
- Maio 22: Os centros de ensino mergúllanse no patrimonio subacuático gracias ao transversal Concurso de Murais de Azulexo.
- Outubro 21: O Concurso de Murais de Lar volve ás aulas e ás asociacións en clave de naufraxios.
- Xaneiro 2020: Os escolares sumérxense no patrimonio subacuático cos Carrilo e Pepe de Oleghario.
- 2020: O novo Concurso de Murais de Azulexo de Lar mergúllase no patrimonio subacuático.
- 2019: Por 1 millón de likes para a Costa da Morte
- 2019: Os murais de Azulexo da Costa da Morte renovan o museo urbano de Sanxenxo.
- 2018: Paz Lago: "Os murais de azulexo dos faros da Costa da Morte son perfectos para que os turistas inmortalicen Sanxenxo”.
- Agosto 18: Os faros de azulexo que ensinan a Costa da Morte a milleiros de turistas en Sanxenxo.
- 2016: Un mar de deportes acuáticos en clave de azulexo.
- 2014: Os Murais de Azulexo comezan a tomar forma nos centros de ensino.