Venres. 20.09.2019
El tiempo

A revista estatal Ejecutivos premia a Promoción Turística de Jesús Picallo

Jesus e Jacinto Picallo recibindo o Premio Ejecutivos a Promocion Turistica copia
Jesus e Jacinto Picallo recibindo o Premio Ejecutivos a Promocion Turistica copia
A revista estatal Ejecutivos premia a Promoción Turística de Jesús Picallo

Esta mesma noite, 4 de xullo, a Revista Ejecutivos entrega os seus XI Premios a nivel Galicia. O Círculo de Empresarios de Galicia (Vigo) acollerá unha cita na que a revista estatal recoñece o labor de empresarios de gran valor para a nosa economía. O único representante da Costa da Morte será o vimiancés Jesús Picallo, que recibirá o premio á Promoción Turística.

A revista valora o seu traballo de promoción da nosa terra, posicionando a Costa da Morte como destino mundial, gracias á posta en valor do Cabo Fisterra a través do Hotel Semáforo de Fisterra, o mascarón de proa do turismo da bisbarra.

OLYMPUS DIGITAL CAMERA
Picallo durante a inauguración do Semáforo de Fisterra en 2017 con Xosé Regueira, Jose Marcote e Nava Castro

Pero tamén valora a dinamización social e laboral da contorna, pois a día de hoxe xa son unhs 60 persoas ao seu cargo, entre NCC Galicia, S.L. (New Concepto Channel), Turismo de Faros, S.L. e Vodafone, precisamente o pioneiro proxecto de instalación de telefonía móbil na Costa da Morte, que se chamou Videoláser, que o tanto fixo medrar como empresario.

Picallo xa sabe o que é recoller premios, como o Premio Gazela da Zona Franca de Vigo, ou o recoñecemento de Coca Cola no seu 65 anversario en España. Ademais, foron protagonistas dun programa de televisión, que levou o noso cabo a milleiros de fogares de toda España.

Ademais, como compromiso ca súa terra, a revista destaca o seu traballo como presidente a Asociación Solpor, e como membro do Cluster de Turismo de Galicia.

Jesus Picallo e Jacinto Picallo cos Premios Ejecutivos

Novo Hotel na Punta Insua de Lariño

Non para Picallo, e xa está armando outro novo proxecto. Dende o pasado febreiro de 2018 concedida a adxudicación provisional para facer un hotel no Faro de Punta Insua, en Lariño, Carnota. Será un hotel con encanto, dando vida a un lugar de máxima beleza.

Jesus Picallo dun dos Premios da Gala do Futbol da Costa que sempre patrocina
Jesús Picallo cun dos Premios da Gala do Fútbol da Costa que sempre patrocina o Semáforo

Novas relacionadas

Comentarios