Domingo. 24.10.2021
El tiempo

Senda Nova levou o seu Inverno Ancestral a Santa Comba

Senda Nova levou o seu Inverno Ancestral a Santa Comba
Noite de Inverno Ancestral en Santa Comba Como vén sendo habitual desde hai uns anos, a Asociación Ecoloxista Senda Nova de Carballo, adiantou por uns días a entrada na estación do inverno. E fíxoo o pasado sábado en Santa Comba, concretamente na parroquia de Castriz, onde botou a andar o 6º Inverno Ancestral. Este proxecto, que vai pola sexta edición, aséntase nas costumes populares dos máis maiores e ten como obxectivo principal a transmisión delas á sociedade e, de xeito especial, aos nenos e nenas da Costa da Morte. A posta en valor do patrimonio inmaterial é, por tanto, o eixe desde onde xira este proxecto. Era a primeira vez que as Historias de Inverno visitaban Santa Comba. A noite comezou desexando a melloría a José Barbeira, un dos narradores protagonistas destes encontros que, convaleciente, non puido achegarse ata a actividade. Asi, foi Pepe Pensado o encargado de falar do Castriz de fai anos a través dun repaso minucioso polas sete temáticas nas que se dividen as intervencións. Comúns a todas as parroquias. O guión seguiuno Ana Cancela, a presentadora desta fría noite na meseta do Xallas. Un fermoso e grande repaso pola escola, festas…e como non, os traballos que se desenvolvían na zona, entre os que tivo cabida a minería do volframio. Comendo saudable Sesión sobre comida saudable no Espazo de Natureza de Oza Por outra parte, máis de 20 persoas déronse cita no Espazo da natureza de Oza para escoitar á nutricionista de Laxe Noa Vázquez Rendal, quen fixo un percorrido ameno, didáctico e, sobre todo, interesante polos alimentos nocivos e polas variedades más saudables para incluír na alimentación. Noa puxo de manifesto a importancia da alimentación en diferentes enfermidades e o positivo do consumo de froitas e verduras e elementos naturais fronte aso procesados.A partires de aí foi profundizando a través de numerosos  alimentos e as características de cada un para pechar unha actividade que se caracterizou por unha participación moi activa dun numeroso publico atento á intervención. https://quepasanacosta.gal/senda-nova-propon-outro-inverno-ancestral-de-conversas-arredor-do-lume/

comentarios