A intensa néboa impediu ver con claridade o espectáculo dos venados en celo Importantísimo para a sociedade é o traballo divulgador que fixeron durante este verán os amigos da asociación natural Senda Nova, con sede en Carballo. Foron varias as actividades de convivencia e de contacto co medio natural incluidas dentro do seu programa "Verán ao Natural" e nas que participaron un bo número de amantes da natureza. Comezaron o mes de xullo coa tradicional ruta nocturna onde se achegaron ata o hábitat do lobo intentando unha desmitificación do animal dende actividades de contacto co medio, e onde destacan as pernoctas ao aire libre. Non foi a primeira vez, aínda que seguimos a pensar que a especie merece un respecto e unha proteción dende a poboación máis achegada. Como o achegamento ao medio necesita de coñecementos cartográficos, voltamos a desenvolver as exitosas xornadas de iniciación á cartografía e orientación; que neste ano bateron récord de participación e con vontade de avanzar no coñecemento xeográfico noutras actividades de contidos máis profundos. As parroquias de Bergantiños foron testemuña das prácticas dos participantes e as corredoiras, lugares de paso nos exercicios. A berrea Unha das actividades estrela que ano tras ano organiza Senda Nova é a berrea. Esta actividade, que tivo lugar a última fin de semana de setembro, consistiu nunha viaxe  a Asturias para desfrutar e contemplar un auténtico espectáculo sonoro que se produce na época en celo dos venados. Nesa mesma fin de semana a organización participou na VIII limpeza simultánea de ríos , organizada por Adega, e na que participaron catorce persoas que retiraron deceanas de refugallo no Rego da Balsa de Carballo. Outono E como os de Senda Nova non paran, xa están a organiza o IV Outono en Marcha no que se inclúen varias rutas de sendeirismo.

Fonte

• Redacción de QPC ([email protected])
• Senda Nova