A Deputacion achegará 20000€ para cofinanciar os servizos da Unidade Asistencial de Drogodependencias de Carballo A Deputación da Coruña celebra ás 12 horas de hoxe a sesión plenaria ordinaria correspodente ao mes de xuño. Entre os asuntos da orde do día figuran varios investimentos na Costa da Morte tales como a aprobación dun convenio co concello de Carballo para o mantemento da Unidade Asistencial de Drogodependencias - UAD - durante o 2016. No caso da UAD carballesa, que ten ámbito de actuación comarcal, a Deputación achegará 20000 euros para cofinanciar os servizos de atención e tratamento a persoas con problemas de drogodependencias dos concellos de Carballo, Camariñas, Fisterra, Malpica, Cee, Laracha, Muxía, Ponteceso, Coristanco, Laxe, Cabana de Bergantiños, Vimianzo, Zas, Corcubión e Dumbría. Fundada en 1994, a Unidade Asistencia de Drogodepedencias de Carballo é a primeira da área sanitaria da Coruña, con máis de 1.200 persoas atendidas nos últimos anos. Outros investimentos Por outra parte, a Deputación da Coruña celebra a partir das 12 horas de hoxe, a sesión plenaria ordinaria correpondente ao presente mes. No pleno someterase á aprobación da corporación a derradeira fase do Plan de Acción Social (PAS), que incluirá un total de 184 obras en 43 concellos, cun investimento de 16,5 millóns de euros. O pleno dará luz verde tamén a dous convenios coa Fundación Exponav para financiar a reparación da cuberta e os lucernarios do edificio de Herrerías para apoiar as actividades do museo, e ao convenio co concello de Maplica para financiar a XXXIII edición da Mostra da Olería de Buño. Na orde do día figura tamén a aprobación de diversas obras nos concellos de Cabana de Bergantiños e Carballo, entre outros da provincia. Fonte

• Redacción QPC ([email protected])