Xoves. 11.08.2022
El tiempo

A veciñanza de Ponteceso, Coristanco e A Laracha doa o doble que a de Malpica e Cabana

26072022 campaña_doazon_agosto Carballo
A veciñanza de Ponteceso, Coristanco e A Laracha doa o doble que a de Malpica e Cabana

Coñecimos onte as datas da campaña de doazón na Laracha, e hoxe facemos o propio en Carballo, onde o xefe do área de sangue e compoñentes sanguíneos de ADOS, Carlos Areal Méndez, xunto co alcalde Evencio Ferrero, presentaban uns datos ben interesantes. No marco da campaña especial “Tres Millóns de Grazas” , que anima a aumentar as doazóns en todo o país, a unidade móbil achégase á Praza do Concello os días 4, 5 e 6 de agosto (das 10:00 ás 14:00 e das 16:00 ás 21:00 horas), para asegurar o gran labor asistencial dos centros hospitalarios galegos, que necesitan entre 400 e 500 doazóns diarias.

Evolución na Comarca de Bergantiños

A pandemia infliu na evolución das campañas de doazón pero aínda así, na comarca de Bergantiños houbo un ascenso de de dous puntos no índice de doazón por cada 1.000 habitantes e ano. Así e todo, as cifras por concello son bastante diversas, notando como os concellos de Ponteceso, Coristanco e A Laracha están moi por riba dunha media que baixa polo baixo compromiso da veciñanza de Cabana e Malpica, nomeadamente. Unhas cifras que, en calquera caso, tamén dependen da cantidade de veces que chega a Unidade Móbil ao Concello e que non contabiliza as veces que a veciñanza se despraza ao punto continuado do CHUAC.

Concello Doazóns 2021 Habitantes Taxa de Doazón
Ponteceso 286 5457 52/1.000
Coristanco 297 5878 51/1.000
A Laracha 561 11521 49/1.000
Laxe 113 3004 38/1.000
Carballo 959 31414 31/1.000
Cabana 84 4185 20/1.000
Malpica 107 5332 20/1.000
Total Bergantiños 2.407 66.791 37/1.000

comentarios