Vieiro conciencia polo Día Internacional contra o uso indebido e tráfico ilícito de drogas

11:08 26/06/20

Este venres 26 de xuño é, dende 1987, o Día Internacional contra o uso indebido e tráfico ilícito de drogas. Un día que quere aproveitar a Asociación Vieiro, para enviar unha mensaxe de concienciación para conseguir chegarmos a unha sociedade libre de drogas. Lembran a carga que supón para o desenvolvemento, así como o problemas de saúde que acarrexa.

Vieiro quere facer as seguintes reflexións globais que son tamén realidade na nosa contorna:

Evolución do mercado de drogas

O cannabis segue sendo a droga máis consumida a escala mundial. Cultívase en case todos os países do mundo e calcúlase que entre 130 e 190 millóns de persoas fúmana polo menos unha vez ao ano, aínda que estes parámetros non son moi ilustrativos desde o punto de vista da adicción.

Mentres que o mercado dos opiáceos e da cocaína segue diminuíndo, o consumo de drogas sintéticas está en aumento. Estímase que o número total de persoas que consumen estimulantes de tipo anfetamínico ? aproximadamente entre 30 e 40 millóns ? superará pronto ao número de consumidores de opiáceos e cocaína xuntos.

Riscos para a saúde

O uso indebido de drogas é un dos vinte principais factores de risco para a saúde a nivel mundial e un dos dez máis importantes nos países desenvolvidos. Os problemas derivados do consumo de drogas asócianse co risco, cada vez maior, de que aparezan outros problemas de saúde como o VIH/SIDA, a hepatitis, a tuberculosis, o suicidio, a morte por sobredosis e as enfermidades cardiovasculares.

En numerosas rexións, o consumo de drogas inyectables é unha vía frecuente de transmisión do VIH/SIDA e da hepatitis. Ao redor de 3 millóns de consumidores de drogas inyectables son seropositivos. Deixando ao carón África Subsahariana, o 30% dos casos de infección de VIH débense ao consumo de drogas inxectables.

Riscos para os mozos

Os adolescentes e os mozos son especialmente vulnerables ao uso indebido de drogas. O consumo abusivo de drogas deste colectivo é ata máis de dúas veces superior ao de todo o resto da poboación. En ocasións dáse unha forte presión exercida polas persoas da súa contorna que lles incita a experimentar con drogas ilícitas, e a isto adoita sumárselle unha autoestima baixa. Ademais, polo xeral, os mozos que consumen drogas non dispoñen de información, ou non a suficiente, sobre os riscos que iso entraña para o seu saúde.

Atención aos toxicómanos

A atención aos toxicómanos é a miúdo insuficiente, especialmente nos países en desenvolvemento. A Oficina das Nacións Unidas contra a Droga e o Delito recomenda un tipo de atención centrado na saúde, non na represión. Xa que logo, o tratamento da toxicomanía debería incluírse dentro dos servizos sanitarios primarios.

Narcotráfico

É un capítulo separadamente do que significa esta lacra, son recentes na nosa zona as últimas detencións por este asunto, pero non é máis certo que as drogas seguen a distribuírse en infinidade de sitios na nosa comarca e especialmente a nivel menudeo, mostra de que o número de consumidores é elevado por iso a existencia da demanda. O fácil acceso a elas fai que a súa venda este a ser unha fonte de ingresos por veciños que non teñen reparos en mercadear a costa da saúde doutros.

Cabo destacar que tanto históricamente como actualmente nosa comarca segue a ser unha plataforma para descárgaa e distribución, tanto para consumo local como para distribuír fóra da nosa contorna.

Felicitar ás forzas de seguridade polos últimos operativos, pero queda moito por facer e sobre todo por parte das autoridades con competencias en seguridade, dotar aos seus efectivos de medios tanto persoais como técnicos para encauzar as investigacións e conseguir mellores resultados.

Temos que actuar en varias vertentes, a distribución a media e gran escala; esta necesita constancia, medios importantes e recursos. Tamén unha coordinación das forzas locais e do estado no ámbito da seguridade cidadá para erradicar a distribución e venda de baixa intensidade que está a campar por infinidade de sitios e portais dos nosos pobos. Así como os consumos grupales.

As metas

As familias, as escolas e as comunidades desempeñan un papel crucial, especialmente ao apoiar ás persoas novas que poden verse afectadas polo uso indebido de drogas con consecuencias terribles e duraderas. Traballemos coa mocidade e para a mocidade a fin de previr o consumo de drogas e axudar ás novas xeracións a levar unha vida máis sa e a elixir o seu camiño con forza e resiliencia. Desde a percepción local e comarcal Vieiro quere facer unha chamada de atención á cidadanía, xa que o problema das adicciones está sendo percibido como un risco menor, cando a realidade é todo o contrario.

Outro aspecto destacable é a concienciación da sociedade que non ten unha percepción de risco no relativo ás drogas, é o momento de maior implicación e pasar á denuncia de consumos e distribución de drogas, co apoio de todos e todas facilitaremos o traballo aos corpos de seguridade do estado.

Mentres as leis sexan as que son é deber do cidadán contribuír ao seu cumprimento, pero sobre todo é un deber moral e solidario contribuír a aniquilar esta lacra en beneficio da nosa sociedade.