A Asociación Visibles comeza o novo curso poñendo en marcha o proxecto "A Xeración da Igualdade - Actividades de Igualdade para os centros educativos". A través de obradoiros e intervencións directas, profesionais da entidade traballarán con todos os axentes do sistema educativo ( alumnado, profesorado e familias) de varios colexios da zona.

”Cremos firmemente que a educación é a ferramenta máis poderosa e revolucionaria para promover unha cultura de igualdade, respecto e loita contra a violencia de xénero. É fundamental promover a igualdade de xénero e rexeitar o sistema patriarcal e o machismo”, explica Olaia Trigo.

O programa inclúe actividades en 30 centros de comarca dende a educación infantil ata os Ciclos Formativos de Formación Profesional, pasando por Primaria e ESO. Serán grandes profesionais como Candela Martinez @sabequealimenta (nutricionista xinecolóxica), Carol Strate @alumbramujer (xinecóloga e sexóloga), David Kaplún (antropólogo e documentalista) e Olalla Trigo (técnica de igualdade e integradora social) as que se encarguen de desenvolver este programa e levar a igualdade ás auñas.

David Kaplún será o primeiro en saltar á palestra xa a vindeira semana con obradoiros por diferentes centros educativos da Costa da Morte. Kaplún é "un investigador incansable, un formador apaixonado e un conferenciante excepcional", e desenvolverá obradoiros "Non Me Contes Películas" nos IES Isidro Parga Pondal, CPI Zas, CPI Ponte Carreira e IES Lamas Do Castelo e para alumnado da ESO e de BACH.