A #AxendaCostadaMorte recargárse coa ruta dos Faros e con outras citas de primeiro nivel
06:30 18/03/16
A #AxendaCostadaMorte volve a estar cargada de citas para desfrutar da fin de semana na Costa da Morte. Mentras os trasn@s incian a sexta edición da ruta dos Faros, coa que seguro que baterán récord de asistencia, compañías de teatro de primeira división ofrecen espectáculos nos distintos centros culturais da bisbarra. Ademais, Santa Comba será esta fin de semana o epicentro dunhas xornadas nacionais sobre o lobo. Antes de facer plans, dámoslle unha ollada ao parte metereolóxico de 4gotas.com
"Hoxe unha borrasca coarase polo sur das altas presións que nos acompañaron estes días pasados e que se desprazaron ao norte das Illas Británicas. A borrasca situarase sobre Galicia e deixará un venres chuvioso, con chuvias máis persistentes no final da mañá ainda que presentes durante toda a xornada. As temperaturas serán máis baixas que as rexistradas estes días.
Tanto mañá como o domingo serán días semellantes; nos que o tempo será moi cambiante, con máis claros na mañá e con risco de chuvias, e mesmo dalgunha treboada - especialmente no interior da Costa -polas tardes para volver a baixar o risco de chuvias na noite. Na zona máis litoral apenas choverá. Nembargantes, as temperaturas serán agradables para esta época do ano".
Camiño dos faros
- Malpica é o punto de partida da primeira etapa do Camiño dos Faros. O domingo, 19 de marzo, ás 9:30 horas partirán do porto para realizar os case 22 quilómetros que os separan de Niñóns. Co fin de dar a coñecer a vila á xente que vén de fóra e de facer un percorrido inclusivo, o sábado pola tarde realizarase unha pre-etapa na que os veciños e veciñas de Malpica amosarán os recunchos da vila. Xa pola noite, a Traskiband ofrecerá un concerto.
- O concello de Carballo pecha o apartado teatral do programa dos Venres Culturais coa representación da obra "Foucellas" de Talía Teatro. O espectáculo comeza ás 21 horas no pazo da Cultura carballés.
- Chéreve estrea hoxe na antiga Fábrica de Sel de Muros o seu novo espectáculo "Eroski Paraíso". Repetirán a función mañá e o domingo.
- Quico Cadaval ponlle fin ao "Marzo Lareteiro" do concello de Vimianzo. O actor traerá o seu espectáculo "Almiñas" á casa da Cultura. A cita é mañá ás 21 horas.
- Hoxe e mañá Santa Comba acolle as xornadas nacionais sobre o lobo nas que se dan cita detractores e a defensores desta expecie en extinción. Marcos Rodríguez Pantoja, o home Entre Lobos, será un dos ponentes que participa no evento.
- Os establecementos hosteleiros de Laxe promocionarán dende hoxe e ata o domingo os productos do mar a través da inciativa “Laxe Quere Tapearte (Tapeo Marítimo)”. Así entre as 12:00 e as 15:00h e de 20:00h a 23:00 horas servirán un "pack" de bebida e tapa por 2,50€.
- A Ventana de Laxe recibe hoxe, a partir das 23:30 horas, o concerto de Huella que traerá as versións do rock español de toda a vida.
- Este sábado celébrase a Festa de Santa Uxía do Ézaro (Dumbría), coa sesión vermú da man da Triunfo e a verbena coa mesma orquestra e unha disco móbil.
- Pigmy ofrece este sábado ás 19:30 horas un concerto de música independente no novo "Curruncho Pop" da biblioteca Rego da Balsa de Carballo.
- O lugar de Alón, en Santa Comba, celebra o San Xosé cunha comida popular amenizada por Ciclón.
- Ademais da ruta gastronómica, Laxe vivirá este sábado unha noite de verbeneo 100%. O motivo é a presentación de orquestas organizada pola comisión de festas da vila coa súa campaña #haiquestar. Actuarán na praza dos Voluntarios as orquestas Caramelo, Samba e D`Moda.
- Camariñas quenta moteres coa XXVI Mostra do Encaixe que comeza o vindeiro mércores. Mentras non chega o momento da inauguración oficial, o Centro Comercial Finisterrae de Cee acolle unha exposición do Encaixe de Camariñas.
- A casa da Cultura da Picota - Mazaricos- a acolle hoxe ás 21 horas a presentación do libro “Que non te aten”- publicado por Xerais- de Manuel Iglesias Turnes. Ao finalizar José Luis Míguez representará o monólogo “O país das vacas”.
- Fisterra dálle o pistoletazo de saída aos actos da Semana Santa. Hoxe venres, ás 19 horas, sairá a procesión das Dolores. Sábado tocaralle o turno á peregrinación do Santísimo Cristo. E o domingo haberá a tradiciónal bendición dos ramos.