De viaxe ao Finisterre irlandés coa SEMESCOM
Recuperamos a viaxe que a familia do Seminario de Estudos Comarcais da Costa realizou a Irlanda este verán. E o facemos a través das reseñas que Xosé María Lema Suárez ten publicado na web da Semescom. Unha viaxe enmarcada nun proxecto, cunha idea de aprender como son os outros Finisterraes europeos, ata onde xa temos viaxado co Manuel Vilar a Irlanda e a Cornualles.
Hoxe, tomamos nota de todo o que aprendeu a expedición costeira. Puideron disfrutar de grandes tesouros naturais e etnográficos, que reinciden na semellanza dos Finisterraes. Cantís, dólmenes, rochas, túmulos, vilas mariñeiras... Pero tamén puideron reflexionar sobre como se pode coidar e respectar o patrimonio, ao tempo que se explota turisticamente. Moito temos que aprender no finisterre sureño.
Viaxe completa da Semescom a Irlanda, por XM Lema Suárez
Do 22 ó 29 de agosto de 2013, 51 viaxeiros das Terras de Soneira, Nemancos e Bergantiños (Costa da Morte), da Coruña, Ferrol, Terra de Santiago, Terra de Montes e dalgún outro recuncho máis de Galicia viaxamos a Irlanda/Eire. Desexabamos coñecer os seus monumentos, -non só os prehistóricos, senón tamén os de todas as épocas- e achegarnos á súa fisterra occidental. Tamén nos interesaban a súa paisaxe natural, o seu urbanismo, as súas lendas, os seus costumes, a súa gastronomía, a súa música, a súa historia e a súa política actual. Seis días e pico non dan para moito, pero de certo sabemos algo máis do que sabíamos antes.
- Capítulo 7: Dublín – Calzada do Xigante e Belfast.
- Capítulo 6: “In Dublin’s fair city…”.
- Capítulo 5: Dublín – Monasterboice – Brú na Bóinne – Hill of Tara – Trim – Dublín.
- Capítulo 4: Shannon – cantís de Moher- rexión de Burren – anta de Pol na Brone – Galway – Athlone – Dublín.
- Capítulo 3 Killarney – península de Dingle- Tralee – Adare – Limerick – Shannon.
- Capítulo 2: Sur de Irlanda: Cobh – Cork – Killarney.
- Capítulo 1: Unha introdución histórica breve.
Novas relacionadas
- Pola recuperación dos Fachos como patrimonio cultural da Costa.
- O outro Finisterre. O verdadeiramente preparado para o turismo.
- 2011: A peregrinación de George Grisaphan: de Fisterra a Irlanda.
- Notas dunha viaxe ao Fisterra córnico con Manuel Vilar.
- Redacción de QPC ([email protected]).
