Máis de 1500 persoas participan nas distintas actividades do Inverno Ancestral de Senda Nova

Cultura Costa da Morte

07:12 21/02/17

As Historias de Inverno percorreron oito parroquias das comarcas de Bergantiños e Soneira A asociación ecoloxista Senda Nova vén de pechar o seu programa de Inverno Ancestral no que participaron máis de 1500 persoas que se repartiron entre as 13 actividades realizadas. Así, con este este éxito de participación, a entidade dá por cumprido o obxectivo do programa: traballar pola memoria do patrimonio inmaterial . O repaso polo programa que comezou o 11 de decembro dende a presentación en Oza a través do magosto e dende aí despexou ata unha boa parte das comarcas de Bergantiños e Soneira. As Historias de Inverno convertéronse no eixo deste 4º Inverno Ancestral. Os faladoiros chegaron nesta edición a sete novos lugares da bisbarra. Berdillo, Loroño, Sísamo, Buño, Carnés, Vilaño e Couso representaron esta terceira xeira de faladoiros aos que se uniu a actividade excepcional que achegou a Oza as historias de Moldavia. Oito faladoiros e sete parroquias da bisbarra representadas para outras tantas actividades, que conseguiron xuntar a 200 persoas repartidas polo inverno de Bergantiños e Soneira. Interesante e emocionante foi, ademais, as xuntanzas de maiores e a memoria grupal nas actividades, mostrando un non menos rico, apartado de preguntas e comentarios no que foi a prórroga de cada un dos faladoiros. Foi e é, un dos maiores motores para o mantemento e potenciación destas actividades, e dos obxectivos precisos. Entre outros, poñer en valor a memoria local, xuntar as persoas da parroquia, dinamizar os centros sociais e aprender a afrontar conductas da vida, dende valoración da experiencia dos nosos maiores. O Apalpador

O Apalpador visitou a comarca durante o pasado Nadal grazas ás xestións de Senda Nova Dentro desta cuarta edición do Inverno Ancestral enmarcarsou tamén a visita do Apalpador; esa figura do Courel recuperada do pasado e que cada vez ten un maior oco na comarca. Ademais, é unha figura coa Senda Nova se sinte caracterizada xa que trasmite o amorpolo máis achegado, pola natureza, polo consumo responsable, os xoguetes tradicionais,... A exposición "Apalpador Imaxinado" inaugurouna o pasado nadal o propio carboeiro e levou os murais de nenos e nenas dos centros de ensino á biblioteca Rego da Balsa de Carballo. O personaxe visitou a máis de 600 nenos e nenas de infantil e primeiro ciclo de primaria, coas claras mensaxes incorporadas a través xa de varios anos de percorridos por colexios e escolas rurais de Bergantiños. E, coma sempre e antes de regresar ao Courel, baixa das montañas de Pico de Meda cara o local social de Carreira, para gozar dunha tarde onde, os máis pequenos, son os protagonistas e onde a baixada nocturna, a névoa, e o mítico entorno da parroquia de Zas, fan protagonista un acto cos xoguetes que o Apalpador trae. En Oza, como tamén manda a tradición, os máis novos desfrutaron dos xogos e dos xoguetes.