Encantador o ambiente na A Lus do Candil, a libraría que os fisterráns Alba e Modesto Fraga rexentan en Arteixo, para acoller a presentación do libro do escritor ceense Miro Villar, titulado "Breizh". Un libro que xa está nomeado aos premios Ánxel Casal, e que espalla as vivencias do poeta pola Bretaña Francesa de 3 en 3 versos.

Así son os haikus de Miro e así os mira Xosé María Lema Suárez, encargado do limiar do libro e ademais de facerlle a presentación ante o selecto público. I é que entre os asistentes ao acto estaban caras coñecidas da cultura galega e da Costa da Morte como Luís Lamela, Rosalía Fernández Rial, Manolo Suarez, Francisco Souto ou Xan Fernández Carrera, entre outros.

Miro Villar falou longo e tendido do proceso creativo que inspirou esta nova obra da súa autoría, escrita utilizando a modalidade literaria dos "haiku" xaponeses, e relatou ademais a experiencia da viaxe realizada co SEMESCOM ás terras da Bretaña, que deron orixe ao libro.

Máis información

• A bitácora da semana (CXLIV): As Crebas de Miro Villar.

Novas relacionadas

• Miro Villar leva os seus haikus bretóns aos premios Ánxel Casal.
• Xosé María Lema Suárez: Os haikus de Miro Villar.
• 7 haikus dende o outro Finisterrae con Miro Villar.

Fonte

• A Lus do Candil.