O mes de maio despídese da #AxendaCostadaMorte ao grande. Son moitas as citas que completan a axenda cultural e de ocio da Costa da Morte. Dende iniciativas xurdidas dende o movemento asociativo; como os Premios Fouciño organizados pola asociación cultural Adro, ataos ambiciosos programas culturais dos concellos que lle dan paso, pouco a pouco, á tempada do verbeneo. Teatro

• O concello de Santa Comba clausura esta fin de semana o seu programa"Primavera Cultural". Hoxe, ás 19 horas, terá lugar o espectáculo "A maxia de Manuel María" da man de Martín Camiña . A última das funcións incluidas dentro deste progama será mañá, ás 11 horas, na biblioteca municipal coa obra "A casa de Manuel María" de teatro Babaluva.
• O auditorio de Baio acolle o domingo, a partir das 18 horas, a clausura da Escola de Teatro Infantil e a entrega de premios da I mostra de Teatro Afeccionado organizada polo concello de Zas.
• O programa cultural "Maio persoeiro" do concello de Vimianzo chega ao seu fin. E faino ao grande. Candido Pazó trae á casa da Cultura o seu espectáculo "Memorias dun neno labrego".  A cita comeza ás 21 horas.
• Máis de douscentos actores e acticres participan mañá no festival Teatrapa de Laxe. Ao longo de todo o día haberá distintas actividades relacionadas co mundo do teatro.
• O auditorio de Cabana será o escenario para a clausura da escola municipal de Teatro. A cita comeza ás 18 horas.

Premios Fouciño

• Baio convírtese esta fin de semana na capital do audiovisual cos I Premios Fouciño. Proxeccións de curtas nos lugares máis singulares da vila, charlas impartidas por Jorge Coira (premio Goya), obradoiros infantís, e un concerto serán os pratos fortes desta inciativa posta en marcha pola asociación cultural Adro.

Rutas gastronómicas

• Esta fin de semana arranca o Carballo por Etapas. Vinte establecementos da localidade participan no roteiro gastronómico servindo apetitosas tapas. Os participantes entrarán nun sorteo de 940€ en premios

Concertos

• Muros: A peña celtista A Cuadrilla da Pepa Loba prepara un concerto infantil benéfico para recadar fondos para o comedor e internado de Totoro-k. A cita será hoxe ás 18 horas co trío Acibro na Antiga Fábrica de Sel, e intentarán introducir aos nenos no mundo da música clásica a través dos contos.
• O Curruncho Pop da biblioteca Rego da Balsa de Carballo encheráse mañá de boa música da man do grupo Chicharrón (que presentou recentemente o seu segundo disco) e do ourensán Emilio José.

Festas

• A parroquia ceense de Brens celebra dende hoxe ata o domingo as festas do Corpus. Hoxe arrincan coa verbena da man da Cinema e dunha disco móbil. Mañá a sesión vermú e a verbena será con Alkar, e a sesión vermú do domingo será co trío Alba a ritmo de pasodoble.
• A orquesta Super Fama e a disco móvil Impacto desprázanse este sábado ata Muxía para celebrar as festas do Corpus.
• Festa rachada na Pereiriña (Cee) mañá e domingo con pasarrúas, verbeneo, un gran asado,...

Roteiros

• Xosé María Lema guiará mañá unha nova edición do roteiro Costa do Solpor. Participarán máis de 50 docentes de toda a comunidade. Percorrerán os distintos puntos da Costa da Morte polos que discorre a novela para o que partirán ás 9:30 horas da praza do concello de Vimianzo.

Outras citas

• O faro de Fisterra acolle hoxe, ás 19 horas, a presentación do libro “A Viaxe á Fin do Mundo”, de Manuel F. Rodríguez.
• Jesús Huertas presenta hoxe ás sete da tarde na sala de exposicións do faro Vilán de Camariñas o seu libro “Y ahora, ¿vendemos o qué?". Ademais haberá unha charla para aportar conceptos prácticos ós asistentes sobre o ámbito das ventas.
• Pedro Brandariz trae mañá as 20:30 horas ao Edificio Multiusos de Santa Comba o seu espectáculo Risas á galega.
• A familia de The Muros Times presenta mañá ás 17 horas no salón de actos do colexio de Esteiro o número monográfico da revista dixital adicado á “Botella Viaxeira”.
• A casa da Cultura de Mazaricos acolle este domingo a presentación do libro Os Fillos da Fame, do poeta mazaricán Ismael Ramos.

Fonte

• Redacción QPC ([email protected])