Publica hoxe o Boletín Oficial Provincial a formalización do contrato para a realización da obra "Posta en funcionamento da Casa da Cultura de Cee. 1ª Fase". Un contrato de 165.000€ xa anunciado en febreiro como o último impulso, e que era matizado marzo deixando claro que será unha apertura a medias.

I é que esta 1ª fase da "Posta en funcionamento" non inclúe a apertura do auditorio, que pasa por se a infraestrutura máis necesaria dende hai anos, clave para o devir cultural da vila da Barca e do peche de programas como a Mostra de Teatro.

O anuncio non indica os prazos de execución, só que o orzamento final é de 119.000€, e a empresa que saíu gañadora do "procedemento aberto con publicidade de criterios" é unha vella coñecida, Construcciones Ogando, unha das implicadas en toda a trama da "Operación Orquesta", sendo precisamente esta obra unha das claves de toda a trama.

Así, esperamos que, tras máis de 3 millóns de euros de investimento, tras case 14 anos de retraso, antes de que finalice o ano (como prometeron en marzo), poidamos alomenos disfrutar da sala de música, da sala de exposicións e da biblioteca.

Obras de acceso a Gures

Ademais, o BOP tamén inclúe hoxe o anuncio do contrato para a realización das obras de acondicionamento da mellora do acceso oeste ao núcleo de Gures. Son uns 48.000€ de orzamento a adxudicar polo habitual procedemento "negociado sen publicidade".

Nova a nova

• A Operación Orquesta por Concellos (IV): Cee.
• 26-03-13: A Casa da Cultura de Cee abrirá a medias.
• 15-02-13: O último impulso á Casa da Cultura de Cee?.
• 31-08-11: Repaso ao sumario da Operación Orquesta (VII): Falseando a Casa da Cultura.
• 25-03-11: A Casa da Cultura de Cee abre por fin as súas portas.
• 07-09-10: Última partida para a Casa da Cultura de Cee.
• 13-01-2009: Cee emprega o Fondo Estatal na Casa da Cultura e nas parroquias.
• 30-09-08: O Ministerio dá un novo impulso á Casa da Cultura de Cee.
• 18-08-07: A Casa da Cultura de Cee rematarase no 2009.
• 12-09-07: A Deputación axudará para a finalización da Casa da Cultura de Cee.

Fonte

• Redacción de QPC ([email protected]).