Luns. 15.08.2022
El tiempo

Unha completa #AxendaCostadaMorte despide o mes de abril

Unha completa #AxendaCostadaMorte despide o mes de abril
axenda costa da morte abril maio 2016 Antes de entrar de pleno no mes das letras, a #AxendaCostadaMorte despídese cunha boa oferta cultural e de ocio ao longo e ancho da bisbarra. Sendeirismo, teatro, música, as festas dos maiores en Zas e en Vimianzo e algunha que outra campaña comercial serán as principais actividades destes días. Ademáis, o tempo semella estar xeneroso xa que segundo o parte costeiro de 4gotas.com ésta será unha fin de semana case estival. Parte costeiro 4 gotas Hoxe lucirá o sol en toda a Costa da Morte. Con máximas de 20ºC ou preto entre Fisterra e Muros - en zonas protexidas do vento -e uns 15-17 nos arredores de Malpica, por mor do nordés. Á tardiña comezarán a chegar nubes ao norte, de madrugada toda a costa quedará co ceo cuberto, con orballos en Bergantiños e nas comarcas do interior. Xa co amencer irán a menos as nubes e quedará outro día de ceos azuis, coas mesmas temperaturas do venres e con vento do nordés. O domingo calmarase o vento e favorecerá un ascenso das temperaturas entre dous e tres grados. O ceo azul seguirá azul e mesmo estará un día agradable de praia. Especialmente metidos na ría de Muros, con máximas de 22 e 23 graos ao mediodía.
Se queredes buscar unha praia que se adapte aos vosos gustos xa podedes comezar a usar AQuePlaya, a app de 4gotas.com.
Teatro
  • O autitorio do Edificio Multiusos de Santa Comba acolle hoxe, ás 21 horas, a obra de teatro "Shakespeare para ignorantes" de Mofa e Befa. O evento comeza ás 21 horas e a entrada é gratuita.
  • O concello de Zas continúa mañá sábado coa I Mostra de Teatro Afeccionado. Será o turno do Tangatutanga Teatro, de Santiago de Compostela, que representará ás 21 horas no auditorio de Baio a obra "Que deus nos colla confesados. Cabaré Bíblico". A función, que dura uns 60 mínutos, está recomendada para maiores de 12 anos e a entrada é de balde.
Surf&Rock
  • Esta fin de semana, o surf e o rock invaden Malpica co singular IV Malpica Longboard Classic 2016 que arrinca hoxe. Haberá carpa, mercadillo, aparcamento para autocaravanas, e zona de acampada. Todo listo para que Malpica sexa invadida pola moda máis hispter.
Sendeirismo Mañá terá lugar unha ruta de sendeirismo por Cee incluida dentro do programa “Andainas Coñece a Costa da Morte 2016”. O roteiro Meigha Lirea consta dun percorrido de 10,85 quilómetros que está previsto completar en algo máis de tres horas – coa parada de avituallamento incluída -. O punto de saída (ás 10 horas) e de chegada será na Ponte Vella situado fronte á igrexa de Santo Estevo de Lires. Os interesados poden descagar o trakc desta ruta circular aquí.
  • Camiño dos Faros Inclusivo, en Camelle
Despois da experiencia da primeira etapa do Camiño dos Faros Inclusivo, mañá celebraráse en Camelle unha nova edición deste roteiro xunto coa pre-etapa. Este proxecto inclusivo está organizado pola Ferederación de ANPAS da Costa da Morte e no que participan membros da asociación Íntegro, Un Paso Máis, Aspronaga e Aloumiños. Neste roteiro, os participantes terán a oportunidade de coñecer en profundidade a historia de Camelle e os seus naufraxios. A cita comeza ás 17 horas no mirador de Lobeiras, en Arou para desprazarse ata a praia. Dende alí partiráse cara o museo de Man onde haberá unha charla histórica sobre a vila. Despois de repoñer forzas, as Traskiband ofrecerá un concerto que comeza ás 22 horas.
  • 4ª Etapa Camiño dos Faros. De Laxe a Arou
O domingo, 1 de maio, os [email protected] percorreran o camiño ao carón do mar que discorre entreLaxe e Arou. A ruta, de 17,7 quilómetros de lonxitude, comenza en Laxe coa visita ao porto e á igrexa de Santa María da Atalaya. Dende alí, os participantes dirixiranse ao faro pola ruta da Ínsua.  Xa moi próximo ao faro, os [email protected] atoparanse coa furna da Espuma e coa praia dos Cristais. Dende alí partiran ata o Peñón de Soesto. Os camiñantes farán aquí unha parada antes de percorrer a punta de Catasol e a praia de Arnado que os conducirá á praia e á lagoa de Traba. Dende alí comeza un camiño formado, na súa meirande parte, por coídos de diferentes tamaños que forman unha paisaxe única ata chegar a Sabadelle, un antigo porto de baleas que pertence ao concello de Vimianzo. Este será o lugar que os dirixa ata Camelle. Dentro do programa Primavera en Marcha de Senda Nova, este domingo día 1 de maio, terá lugar a ruta das Mámoas que discorre polo concello de Cabana de Bergantiños. Concertos Exposicións
  • Exposición fotográfica Cee: Hoxe é o último día pra ver a exposición fotográfica “Unha ollada dende Muros ata Cee”, de Rosa Gallardo, que acolle a sala de exposicións da casa da Cultura de Cee.
  • Biblioteca Municipal de Muxía acolle ata o 6 de maio unha mostra sobre a imprenta. O horario de visita é de martes a venres de 15:30 a 20 horas.
  • O faro Vilán estrea o domingo unha nova exposición de pinturas e de esculturas a cargo de Xesús Franco e de Tino Canicoba. A mostra pódese visita durante todo o mes de maio en horario de 11 a 14 horas e de 15:30 a 20 horas.
Outras citas
  • Feira de Abril en Vimianzo. O comercio e a hostelería da vila organizaron unha campaña de promoción conxunta que terá lugar esta fin de semana onde haberá mercadillo flamencos, pinchos, atraccións para nenos, doma de cabalo e desfile de moda.
  • Feira na Rúa de Fisterra. Un 30 artesáns participarán na II Feira na Rúa que terá lugar esta fin de semana en Fisterra. A cita comeza mañá cunha inauguración oficial que terá lugar ás 12 horas onde non faltará a música e os Cabezudos de Fisterra. A troula continúa durante toda a tarde e o domingo todo o día.
  • Día da Muiñeira en Cee. Grupos de baile tradicional de toda a Costa da Morte e da súa contorna participan mañá no XXX Día da Muiñeira organizado pola asociación cultural Terra de Sena de Cee.
  Fonte    

comentarios