Martes. 15.10.2019
El tiempo

3ª Autonómica: Os penaltis devolven ao Corcubión á Liga da Costa

3ª Autonómica: Os penaltis devolven ao Corcubión á Liga da Costa
O Corcubión celebrando o ascenso á Liga da Costa no Cubaleiro-Foto-Eva O Corcubión celebrando o ascenso á Liga da Costa no Cubaleiro-Foto-Eva Clínica de Fisioterapia Sar patrocina a 3ª Autonómica. Coñécenos no FB Clínica de Fisioterapia Sar patrocina a 3ª Autonómica. Coñécenos no FB

Menudo final da 3ª Autonómica. Será o Corcubión o que ocupa praza na vindeira Liga da Costa, pero esta final puido caer de calquera lado, e seguro que o Muxía sería digno representante costeiro.

Chegaba ao Cubaleiro a eliminatoria empatada tralo 2-2 da ida en Arliña, e o público (por fin o Cubaleiro acolleu unhaboa entrada) disfrutou dun fermoso espectáculo que decidiu a sorte dos penaltis.

Corcubión - Muxía (2-2)

  • Campo: Novo Cubaleiro.
  • Corcubión: Beto, Adri, Senra, Pabliño, Xabi, Gabi, Sebas, Alán, Toja, Lema e Tito. Tamén xogaron: Mario Suárez, Samu e Rama.
  • Muxía: Papi, Martín, Chans, Conguito, Pataca, Julián, Currás, Pana (Cristian, m.65), Noé (Peski, m.75) , Denis (Gusa, m.60) e Adrián (Castreje, m.20).
  • Goles: 0-1, m.15: Pataca; 0-2, m.20: Denis; 1-2, m.44: Adrián de cabeza; 2-2, m.70: Mario de penalti.
Corcubion-Muxia polo ascenso-Foto-Eva Corcubión-Muxía polo ascenso-Foto-Eva

A volta completa

Partido vibrante o vivido no Novo Cubaleiro que tivo de todo. Comezaba o Muxía de Manín moito máis metido no encontro e en apenas 20 minutos se colocaba cun 0-2, tras dúas faltas laterais, que parecía deixar o ascenso encarrilando. Pero este Corcubión sabe sufrir, e soubo aguantar e esperar o seu momento.

Remataba a primeira metade co Muxía mellor posicionado pero o Corcubión xa metido no partido e xusto ao fío do descanso, tirando de orgullo, Adrián recurtaba para os locais.

Saíu o equipo de Emilio Corcón decidido na segunda, dominando, e aproveitando as lesións de xogadores importantes de Manín. Seguía dominando o Corcubión ata que nunha falta colgada Senra é agarrado e o colexiado sinala a pena máxima, a primeira da tarde. Mario non fallaba.

Aínda sacou o Muxía a alma e mandou un balón ao longueiro antes do final. Pero non entrou e a sorte dos penaltis decidiría. Aí apareceu o de sempre, Beto, o meta corcubionés que xa ten savaldo aos seus en varias ocasións. Pataca, Papi, Conguito e Gusa fallaban para os muxiáns, mentres polo Corcubión marcaban Mario, Alán e Lema. Os muxiáns terán que seguir na 3ª Autonómica, esperan, ás ordes de Manín.

Ascenso do Corcubion nos vestiarios  

Novas relacionadas

Máis información

Fonte

Comentarios