Fin de semana pasada por auga esta con máis de 80 partidos en liza.
Coma sempre, comezamos esta análise previa da xornada por arriba, pola Preferente - Senra Sport, na que os nosos terán choques contra históricos como o Negreira e o Riveira. O XSC terá complicando manter a boa liña de dúas vitorias seguidas pois terá que visitar a un cadro nicrariense 2º na táboa. O Dumbría non poderá fallar na casa ante un Riveira que de vencer no Conco, o superaría.
Teremos novo derbi na 1ª Autonómica - Clínica Vértebra. O Malpica, nunha liña ascendente, será unha boa pedra de toque para o líder, un Sofán invito no Carral. Ademais, a Esteirana que continuar a súa saída do pozo ante o Puebla, o Soneira estrea a Manolito (de volta outra vez no banco vimiancés) ante a visita do Silleda, o pechacancelas; e o Baio ten que romper a mala racha en Sigüeiro.
Sen dúbida, o partidazo da xornada na 2ª Autonómica - ES Bazarra, será o que enfronte ao líder, o San Lorenzo, ao 2º a 1 só punto, o Zas en San Andrés. O liderato en xogo. Ademais, por detrás, o Castriz quere meterse outra aí arriba, pero terá en fronte a un gran Outes, situado a só 2 puntos dos xalleiros, e contará ademais con varias polas duras sancións do Comité: Cilindro perderase 13 partidos. Doble derbi temos tamén, cun Montelouro-Volantes que pode servir de revulsivo para os loureáns, pechacancelas, e un Cee-Fisterra sempre tremendamente vivido. Por abaixo, hai que destacar o Camariñas-Ponteceso, dous equipos recén descendidos, chamados a moito máis pero que non acaban de arrincar.
Recibe o líder da 3ª Autonómica - Clínica Xunqueira, Ameixenda, ao Cerqueda, nun gran partido. Pero o máis igualado da semana será o Corcubión-Coristanco, os inmediatos perseguidores do líder, empatados a 7 puntos, e coa segunda praza de ascenso directo en xogo.
Xornada completa nos Xuvenís con algún partido intenso como o derbi Porteño-Camariñas, cos dous equipos mellor situados que nunca na Liga Xuvenil Norte, G.3 - MáisDeporte. Polo Sur, o Dumbría-Cee é sempre un partidazo.
Triple saída herculina para os equipos costeiros nas Ligas Autonómicas base, mentres nas locais, Cabana e Corme queren seguir pelexando arriba na 1ª Cadete, mentres o XSC quere aproveitar o descanso dos Miúdos para escapar na 1ª Infantil. Seguen ademais en liña as LCFs e as F8 Alevín Costa SurLigas de F8
Ferven as Ligas de Veteranos. Non haberá choques directos na 1ª División pero na 2ª División, o Agualada-Erbecedo, 1º contra 2º, centra a atención.
