Corcubión, Camariñas e Fisterra abren a Liga Costa da Morte de Vela

Corcubión, Camariñas e Fisterra abren a Liga Costa da Morte de Vela

12:26 26/04/11

Volve a vela á ría de Corcubión. Concretamente o próximo 30 de abril e 1 de maio do 2011, cando o Club Marítimo Carrumeiro organiza a primeira Regata da Liga Costa da Morte 2011, a Regata Seo de Corcubión da Clase Optimist e Omega. Unha Liga que volta tralo éxito do ano pasado, cando o clube corcubionés confirmou a súa supremacía por mor da súa experiencia.

A Liga Costa da Morte 2011 consta de varias citas. A primeira sesión foi un Adestramento previo á Liga Costa da Morte, que se desenvolveron os 26 e 27 de marzo na ría de Corcubión (como vemos na foto), ao cal asistiron todos os clubs participantes na liga para realizar saídas conxuntas ao mar e adestramentos cun maior numero de barcos. Este adestramento foi unha novidade este ano pero se obtiveron bos resultados co que en anos vindeiros potenciaranse os adestramentos conxuntos.

Ademais, a Liga Costa da Morte de Vela ten 4 citas, 4 Regatas:

Regata Seo de Corcubión. Organizada polo C. M. Carrumeiro para os 30 de abril e 01 de maio.
Regata Letras Galegas en Fisterra, organizada polo Club Náutico de Finisterre para os 28 e 29 de maio.
Regata C.N de Camariñas, organizada polo Club Náutico de Camariñas para os 18 e 19 de xuño.
Regata C. do Mar e Náutico de Muxía, organizada polo Club do Mar e Náutico de Muxía, para os 25 e 26 de xuño.

Fisterra, Corcubión e Camariñas

Este ano participan o Club Náutico de Finisterre, que estará con 4 Optimist e 1 Omega de 4 tripulantes; o Club Náutico de Camariñas, con 5 Optimist e 1 Omega; o Club Marítimo Carrumeiro, con 8 Optimist (contando co patrocinio nesta clase de Ferroatlantica 2 embarcacións, Santitel unha, vodafone unha,Tesec unha, O horreo unha) e 1 Omega.