O Combinado Feminino do Fútbol da Costa debutou en Buño

Deportes Fútbol da Costa

07:42 02/05/17

Combinado da Costa coa Seleccion Corunesa feminina en Buno-Foto-Criss Becerra

Fermosa festa do Fútbol feminino a vivida no campo de Xaviña de Buño este pasado luns. O Combinado da Costa e a Selección Coruñesa Sub-15 disputaron un partido que serve de preparación para o equipo provincial dirixido polos costeiros Gueli e Mingui, e que valía para a estrea deste Combinado, artellado pola A.D. Vidú.

Combinado da Costa - Selección Coruñesa Sub-15 (2-1)

Combinado do Futbol Feminino da Costa_Foto-Criss Becerra

Combinado da Costa: Lucía, Andrea, Vero, Sarai, Andrea Piroja, Karina, Eva Luz, Tatiana, Carla, Iria e María (once inicial). Tamén xogaron: Angy (PS), Laura Seoane, Ana, Raquel, Zeltia e Paula.
Selección Coruñesa Sub-15: Clara, Ana, Laura, Inés, Uxía, Alba, Andrea, Lucía, Carlota, Nuria e Ania (once inicial). Tamén xogaron: Carlota Barreiro (PS), Ana Bermúdez, Noelia e Torrado.
Goles: 1-0 m.33: Carla; 1-1 m.74: Carlota; 2-1 m.83: Laura Seoane.
Árbitro: Adrián Pérez Rellán (Colexio coruñés).

Foto-Criss Becerra

Na primeira parte, a Selección Coruñesa foi quen levou o peso do partido ante un nervioso Combinado da Costa ao que lle custou soltarse e pagou un pouco o peaje de que as mozas nunca xogasen xuntas ata este partido.
As herculinas dominarían o encontro cun fútbol moi alegre e vistoso, algo que fixo que creasen varias oportunidades para adiantarse no marcador pero a costera Lucía mostraríase infranqueable en todo momento e cando a guardameta non evitaba o gol, faríao o pau.
A raíz do minuto 30, as mozas de David Castro e María Bardanca empezarían a soltarse e no seu segundo achegamento ao área, Carla aproveitaría un rexeite de Clara tras un disparo para facer o primeiro gol da tarde e facer o 1-0 co que ambos equipos poñerían rumbo aos vestuarios. Na reanudación, o partido foi moito máis igualado e ambos equipos tiveron oportunidades para levarse a vitoria.
A local Paula tería unha grandísima oportunidade para ampliar a renda das súas tras un pase espectacular de Eva Luz pero o remate final da xogadora costera marcharíase rozando o pau da portería herculina.
Tras isto, Carlota faría o gol da tarde cun disparo impecable que lle quitaría as telarañas á escuadra da portería local, tanto co que as táboas volverían ao marcador. No tramo final de partido, María buscaría o gol da vitoria cun bo disparo pero a larachesa atoparíase cun paradón de Carlota Barreiro e no consiguiente saque de esquina, Laura Seoane faría o definitivo 2-1 co que daba o triunfo ao combinado costero, pero a verdadeira vitoria de hoxe foi a do fútbol feminino.

Ademais, desde o Concello de Malpica e a Asociación Deportiva Vidú quixeron agradecer, cun detalle típico de terras oleiras, o labor que fan polo fútbol feminino desde a Delegación da Costa da Federación Galega de Fútbol, así como quixeron facer o propio con Gueli Cotelo, promotor deste partido e gran defensor e valedor do fútbol feminino na Costa dá Morte.