Despois de alzanzar o título de Campión Galego, toca pelexar polo estatal. Ou polo menos, por quedar o máis alto posible no Campionato de España Xuvenil 2017. Os Xuvenís do Volei Dumbría arrincan xa para Lorca, Murcia, onde a partir de mañá mércores se disputa un dos acontecementos nacionais máis agardados a nivel de clubes: o Campionato de España Xuvenil 2017. Os mellores equipos de todo o territorio nacional loitarán por facerse co prestixioso título ata o vindeiro domingo 30 de abril.

Os dumbrieses serán un dos 4 representantes galegos, xunto ás campionas do Hospital Veterinario Aceña Emevé (feminino) e os subcampións, Club Vigo Voleibol e Autos Cancela Zalaeta.

Este será o 7º campionato de España no que participa o club nos seus case 10 anos de historia, e buscarán mellorar a 6ª posición conseguida o ano pasado en Almería.

Destino Murcia

Fundamental será a primeira fase para determinar a posición final dos dumbrieses. Un dos grandes rivais do Dumbría Voleibol no Grupo E no que quedou encadrado será o subcampión valencián, CV Playas de Benidorm, con quen abrirán a competición mañá ás 11.00 horas. Pola tarde enfrentaránse a outro duro adversario, o AD Cáceres, campión estremeño, ás 18.00 horas, para finalizar a fase inicial o xoves (13.00 horas) ante o subcampión balear, o Motorisa CV Pórtol.

O obxectivo nesta primeira fase é o de conseguir quedar entre os dous primeiros do grupo para poder disputar na segunda fase os postos do 1ao 12, xa que pola contra pasarían a disputar os postos 13 ao 24.

O equipo dirixido por Juan Carlos Suárez e Luís Alberto Fernández está formado por David Redonda, Manuel Marcote, Gabriel Trillo, Marco Lado, Juan Bautista Marcote, Manuel Costa, Unai Larrañaga, Adrián Garea, Sergio Marco, Pedro Hermida e os cadetes Yoel Moreno e Xabier Larrañaga.

Moita sorte para os nosos e dende aquí lles pedimos que sobre todo disfruten da experiencia de xogar un campionato de España.

Máis información

• Resultados e Clasificación Grupo A – SuperLiga 2.
• Plantel do CV Dumbría.

Crónicas do Volei Dumbría

• O Volei Dumbría repite o título de Campión Galego Xuvenil.
• O xogador do Volei Dumbría, Unai Larrañaga, convocado pola Federación Española.
• Obxectivos cumpridos para Volei Dumbría nesta estrea na SuperLiga2.
• O Volei Dumbría puxo en apretos ao UVA, 3º da SuperLiga2.
• O Volei Dumbría ratifica en Tenerife a permanencia na categoría de prata do volei estatal.
• A afección aúpa ao Volei Dumbría cara a permanencia.
• Volveu o volei máis vibrante ao Conco.
• O Volei Dumbría completa unha dura e competida primeira volta da SuperLiga2.
• A canteira do Volei Dumbría tamén responde.
• O potente UVA non deu opcións ao Volei Dumbría.
• Volei: Unha montaña rusa de compromiso.
• Néstor, a fichaxe venelozana do Volei Dumbría, comeza a demostrar o seu poderío.
• O Volei Dumbría abónase ao 3-2 da man dun gran Néstor González.
• Unha derrota e un empate para as categorías inferiores do Volei Dumbría.
• Unha remontada épica para soñar.
• O Volei Dumbría volve á crúa realidade da SuperLiga2
• O Volei Dumbría engancha á afección no histórico debut en SuperLiga2.
• O Volei Dumbría comeza a súa histórica andaina pola SuperLiga2.
• O Volei Dumbría xogará na Superliga 2.

Fonte

• Redacción de QPC (info@quepasanacosta.com).