Na Preferente, o Santa Comba terá que seguir sumando de 3 en 3, mentres que os seus veciños verdes terán un difícil compromiso ante o Boiro, 5º, puidendo facerlle ademais un favor aos laranxas. Ademais o Dumbría terao moi complicado ante o implacable líder, mentres que o Soneira, en serios apuros, necesita sumar noutra finalísima ante un Viveiro que ten a 9 puntos.
Na 1ª, o Cee, no pozo en cunha ducia de baixas, visita nada menos que a cancha do segundo. Pola súa banda o Ponteceso enfróntase a un Victoria case que empatados a puntos.
A xornada na Liga da Costa ten un foco interesante no Muros-Fisterra que medirá quen segue máis de preto aos dous de arriba. E xa na 3ª, con só dous encontros na xornada dominical, destacamos un Cabana-Monteouro en todo o alto.
Ademais, cómpre salientar un encontro importante nos Veteranos, entre Corcubión, líder, e Xuv. Bergantiños, 3º a 1 punto dos corcubioneses. Iso si, o Castriz mantense de colider empatado co Corcubión, cun partido máis, e esta semana poderá sumar ante o Baio e aproveitar o tropezo de calquera dos dous equipos.
