Santi Soneira no terceiro chanzo do podio no Trofeo Federacion de tiro con arco

Non para de acadar podios Santi Soneira. O baiés, membro da A. Su A Agra, pasa por ser un dos mellores arqueiros de Galicia, e así o volvía corroborar no Trofeo Federación Xunta de Galicia de Sala 2017 celebrado esta pasada fin de semana.

Gústalle máis ao aire libre a Santi, pero non tivo demasiados problemas para acadar un 3º posto final tras 2 rondas de 30 frechas. Acadou unha puntuación final de 246 puntos igualando a do 2º clasificado Elias Méndez que conseguiría este posto no desempate, por ter máis 6 nas súas tiradas. O 1º posto acadaríao Sergio Alonso Peitieiros cunha puntuación de 247 puntos.

Xa espera o baiés a próxima cita, o vindeiro 26 de novembro en Redondela, nun torneo organizado por MeigArco.

Novas relacionadas

• Outubro 17: Santi Soneira volve subir ao podio no Campionato Galego de Tiro con Arco.
• Marzo 2017: Santi Soneira participou no Campionato de España de Arco Tradicional e Desnudo.
• Maio 2016: Santi Soneira arrasa no tiro con arco galego.
• Xaneiro 2015: O baiés Santi Soneira, Campión Galego de Tiro con Arco.

Máis novas

• Xuño 2017: O clube Dousxsetenta trae varias medallas do campionato galego de tiro con arco ao aire libre.
• Xaneiro 2017: Dous campións e unha boa manda de peque-arqueiros soneiráns no Campionato Galego de Sala de Tiro con Arco.

Artigos relacionados

• Unha homenaxe virtual aos outros deportes da Costa da Morte.
• Retrato de dúas familias de arqueiros.

Fonte

• Redacción QPC ([email protected])