O Laxe celebra os goles na Copa da Costa

Xa ca finalísima na mente e ese bonito partido entre Seleccións preparado, os Veteranos afrontaban este pasado domingo a ida dos Cuartos de Final da Copa da Costa 2017. Uns Cuartos que deixan ao Laxe, ao San Lorenzo e San Román cun pé nas semis, mentres o choque verde entre Coristanco e Fisterra se terá que decidir en Ara Solis.

Son rendas, en todo caso, perfectamente remontables nestas categorías.

Laxe - Bértoa (3-0)

En Laxe, Óscar Toja, pichichi da temporada, foi o xogador máis destacado do partido ante o Bértoa, marcando dous goles e dando o terceiro ao seu compañeiro Víctor. Un 3-0 que despois de ver un partido moi disputado. Comezaba con minutos de tanteo, cun Laxe mandón e un Bértoa que non tiña presa e que sempre buscaba a velocidade dos puntas, Loureiro e Canito. Á media hora entraba Óscar Toja no campo e na primeira xogada, dous regates un tiro dende fóra e gol pola escuadra ante o que nada pode facer o meta Víctor. Non pasaban 5 minutos e Toja regaláballe a Víctor o 2-0 tras outra fermosa xogada persoal. Partido encarrilado.
Na segunda, o Bértoa tivo ocasións para recurtar, nos pés dos sues dous puntas, pero era Toja o que sentenciaba co 3-0.

 

Coristanco - Fisterra (3-2)

En Coristanco, foi un toma e e daca, co cadro local un paso por diante, pero co Fisterra respondendo e con gañas de disputar a final na casa no seu primeiro ano na categoría. Adiantaba Joaquín Pose aos visitantes, pero Juan Souto e Iván González remontaban e metían ao Coristanco en vantaxe ao descanso. Empataba o fisterrán Santi nada máis volver dos vestiarios, pero Carliños deixaba aos coristanqueses por diante. Tivo o empate o cadro fisterrán pero o penalti saíu fóra.

 

San Lorenzo - Soneira (5-2)

Os goles de Marcos, Marcos Rodríguez, Víctor e Cancela (2) deixan unha importante, pero non imposible de recuperar renda para os de Verdillo. Foi un choque intenso xogado na Piña e o Soneira sufría dúas expulsión que o deixo con 9 varios minutos. Mauri e Teo marcaron os goles que deixan unha porta aberta aos soneiráns.

 

San Román - Agualada (5-3)

Marcha con vantaxe o San Román a Agualada gracias aos goles de Víctor (2), Pombo (2) e Havi Fuentes. Pero os triplete do eterno goleador Luís Giancé, deixan ao Agualada aínda con opcións.

 

Novas relacionadas

• Os Veteranos preparan a Gran Final da Copa e o partido das seleccións.
• Os Veteranos de Santiago tamén se unen á Federación.
• Volta da Previa: O Club do Mar a piques de darlle volta a eliminatoria ante o Coristanco.
• X.30: Duelo de pichichis para acabar a Liga e xa dar paso á Copa.
• x.26: O Club do Mar alcanza o título na súa primeira temporada en 1ª División.
• X.25: O Corcoesto certifica o seu ascenso e o Club do Mar acariña o título da 1ª División.
• X.23: O Dumbría sorprende ao Club do Mar.
• X.20: Corcoesto e San Isidro deixan o aberto o título de 2ª e o Ascenso.
• X.14: O Club do Mar pecha a primeira volta como líder indiscutible.
• X.2: Club do Mar, Zas e Milagrosa mandan.
• X.1: O Porteño empeza a tope.
• O Fútbol en Malpica, o reflexo do envellecemento costeiro.
• Fútbol, sol e churrasco no Torneo de Castriz.

Crónicas do ano pasado

• 2015/2016: O Soneira álzase ca Copa da Costa de Veteranos.
• 2015/2016: O At. Milagrosa, campión da Liga de Veteranos:
• 2015/2016: San Lorenzo e Club do Mar, campións de inverno.
• 2015/2016: Veteranos: O Coristanco cobrou a vinganza na Supercopa ante o San Román.

Máis información

• Os cadros da Copa da Costa 2017 en www.copadacosta.com.
• As táboas de resultados e clasificacións en www.futboldacosta.com. Piquen dende o seu teléfono e pulsen “Engadir a pantalla de inicio”, para ter sempre os resultados no peto.
• A actualidade no Facebook “Fútbol da Costa”.

Fonte

• Redacción de QPC ([email protected]).
• Colabora Modesto Parga.