Xuvenís: Set de goleadas e un líder fisterrán

17:05 07/11/17

O Fisterra segue líder firme da Liga Unificada Xuvenil 6 goleadas e dous choques igualados dan conta da diferencia entre uns e outros equipos da categoría. A derrota máis sorprendente a do Cabana en Muros, despois de 5 vitorias consecutivas o cadro muradán era quen de baixar ao Cabana á terra. A vitoria máis apretada da xornada, a protagonizada polo Soneira no derbi soneirán no Platas Reinoso. Na clasificación, o Fisterra segue mandando cun só punto de vantaxe sobre o Corme. A 3 queda o San Lorenzo, mentres que Cabana e Esteirana (un por caer derrotado e outro por descansar) caen a 5 puntos de vantaxe, quedando o cadro cabanés máis lonxe pois aínda ten que descansar. Na táboa de pichichis, xa hai 3 destacados: O sofanista David López Ruibal con 21 goles; o laxense Santi Casas con 19; e o soneirán Fran Moreira con 18.

Outes - Corcubión (3-1)

Outes: Antón, Fabián, Joel, Christian, Cartucho, Boris, Nico, Alberto (Ángel, m.46), Ryan (Rubén, m.46), Canoa e Fran.
Corcubión: Marcos, Fran, Xuli, Hugo, Brais Lagoa, Luís Lojo, Nico, Saulo, Sergio, David e Oca. Tamén: Adri.
Goles: 1-0, m.34: Nico anota un golazo de falta; 2-0, m.37: Ryan; 2-1, m.67: Saulo; 3-1, m.84: Fran.

Partido igualado no Cunchido cun Outes que fixo un dos mellores partidos dos últimos tempos ante un Corcubión que nunca se rendeu. Dominou durante a primeira metade o cadro da Serra, pero tardaron en adiantarse. Fixérono pasada a media hora co fermoso fol de falta de Nico, e pouco despois Ryan ampliaba a renda. Na segunda, recurtaba o Corcubión que se viña arriba, intentando acadar o empate e metendo na súa área aos locais. Pero non conseguiron marcar e nunha contra sentenciaba o Outes xa no treito final.

Coristanco - Ponteceso (1-4)

Coristanco: Cancela, Iago, Esteban, Álvaro, Cambón, Dani, Rr, Braian, Black, Castro e Fran. Tamén: Borja, Eloy, Varela e Raúl.
Ponteceso: Damián, David Velo, Manu Cancela, Aarón, Raúl, Brais, Josiño, Luca, Loureiro, Mussi e Iván Rodríguez. Tamén: Íker, Isaac, Anido, Adrián e Pop.
Goles: 0-1, m.11: en propia; 0-2, m.27: Iván Rodríguez; 0-3, m.40: Iván Rodríguez; 0-4, m.63: Raúl; 1-4, m.77: Fran.

Xuvenís do Ponteceso Comezaba moi igualado o partido con alternativas nas dúas áreas, pero era o Ponteceso, irregular como nunca este comezo de tempada, o único que estaba acertado cara gol. E tiña a sorte de cara o cadro de Gurita que se adiantaba cun gol en propia meta á saída dun córner, e ampliaba a renda antes do descanso cos tantos de Iván Rodríguez, que presionaba, roubaba e definía ben. Na outra área, Damián desbarataba ata 6 ocasións dos verdes. A diferencia ao descanso xa era demasiado grande e a segunda metade foi de trámite.

Baio - Soneira (2-3)

Baio: Julián, Iago (Ariel, m.75), Jose (Regueira, m.46), Pablo Queiro, Queiro (Manuel María, m.70); Dylan, Sergio, Santi; Raúl (Damián, m.46), Mohedano, Anxo.
Soneira: Christian, Esteban, Ángel, Raúl, Pablo, Alex, Fran Moreira, Lucas, Sebas, Edgar e Brais Pereira. Tamén: Damián, Sergio, Hugo, Nico e Cristian Canosa.
Goles: 1-0, m.11: Sergio; 1-1, m.25: Fran Moreira; 2-1, m.58: Dylan de penalti; 2-2, m.66: Sergio; 2-3, m.74: Fran Moreira.

Cadro do Soneira en Baio Non xogou o Baio o seu mellor partido, e a pesar diso adiantouse por dúas veces no marcador. Pero non reflexaba o que se veía no campo, cun Soneira máis metido no partido e moito máis intenso. O cadro baiés esperaba atrás ante un Soneira máis dominador pero con pouca profundidade. Respondía o Soneira o gol inicial dos locais para ir ao descanso. Na segunda parte empezou algo nervioso o Soneira e nunha xogada da nada o árbitro sinala un discutido penalti, que provoca as protestas dos soneiráns, acabando ca expulsión de Pichón, que acabou criticando a actitude chulesca do colexiado. Pero o tanto espolea aos visitantes, que se fan donos do partido e remontan cos goles de Sergio e o pichichi do equipo, Fran Moreira.

Así celebrou o Soneira a vitoria no Platas Reinoso

Camariñas - San Lorenzo (0-19)

Goles: Aarón (5), Brais (4), Iván Cancela (3), Cotelo (3), Pablo Garrido, Fidi, Martín, Fidalgo e Jose.

Moitas baixas tiña o Camariñas de Saviola para este choque ante un dos de arriba, co que non puideron competir. Os carballeses non tiveron piedade.

Os Miúdos - Cabana (1-4)

Os Miúdos: Alberto, Ismiña (Miguel Verán), Flavio, Dani, Xian, Abel, Josiño, Gael, Ángel (Isma Mayo), Xavi e Riomao (Rubén).
Cabana: Roberto, Samu, Rubén, Dani, Reigía, Breo, Castro, Alberto, Simón, Romero e Yago. Tamén: Fer, Marcos, Alex, Christian e David.
Goles: 1-0, m.13: Josiño de saque de falta; 1-1, m.47: Castro; 2-1, m.60: Xavi de penalti; 3-1, m.85: Josiño; 4-1, m.87: Xavi.

Partido moito máis igualado do que di o marcador e só nos últimos minutos o cadro local puido sentenciar á contra ante un Cabana volcado polo empate. O choque comezaría moi igualado, pero o gol inicial dos locais deixaba tocado aos cabaneses, que aínda así tivo opcións por medio de Castro e Manuel. Comezaba a segunda merade co empate, pero de contado se metía de novo por diante o equipo local cun tanto de penalti, protestado polos visitantes. Na outra área sacaba tarxeta a Manuel por tirarse tras unha entrada do porteiro muradán. Alberto tamén buscaba o empate xa co cadro cabanés volcado sobre a área muradá, pero perdoaba e á contra sentenciaban os locais nos últimos minutos.

Fisterra - Xallas (5-1)

Goles: Marcote (2), Aarón, Isaac e Ezequiel para o Fisterra; Kevin para o Xallas.

Con 9 homes, que deron todo no campo, presentábase o Xallas en Ara Solis. Pablo Lestón deu minutos aos menos habituais e os xalleiros eran quen de manter o empate ata o descanso. A partir de aí baixaron as forzas os xalleiros, e caeu a goleada xa cos Isaac e Ezequiel no campo.

Laxe - Corme (1-8)

Goles: Manu Tasende, Manu Bermúdez (3), Alex Mato (2), Eloy Villar, e Yerai para o Corme; Bieito para o Laxe.

As baixas tamén mermaron o potencia do Laxe ante un dos mellores da categoría. O Corme non deu opción e xa marchaba 0-4 ao descanso.

Sofán - Muxía (7-0)

Sofán: Iván, Adrián, Diego Pallas, Juan Bello, Dani Padín, Nacho Eirís, Eloy Cabeza, Alex Docampo, Sergio Pombo, David López Roibal e Simón. Tamén: Alberto, Sebas, Aarón, Fidalgo e Jose.
Muxía: Raul, Evaristo, Marce, Cheo, Vilela, Miguel, Fidalgo, Borja, Damián (Pablo, m.46), Lolo e Rodri.
Goles: Diego Pallas, Sergio Pombo, David López, Sebas, Aarón e Dani Padín.

Partido no que o marcador demostra a clara superioridade da SD nun partido bastante cómodo no que se ben tería sido xusto que o Muxía tivese o premio dun par de goliños gracias ás súas internadas.