Fermosa fin de semana a que se viviu no río Xallas, no Campo de Slalom de O Couquiño, co gallo da Copa Galega de Promoción de Slalom. Un campionato que levou o Club Deportivo Miño Teixugos, acompañado no podium polo Clube Penedo de Caldelas de Tui, segundo, e o Quixós de Monforte de Lemos, terceiro. O clube local, o CDM Piragüismo Dumbría foi cuarto a apenas dez puntos de podium.

Por outro lado, as competicións que se ían celebrar os días 13 e 14 de setembro, os Campionatos de Galicia de Slalom, foron aprazados a decembro.

Así, a vindeira competición do CDM Piragüismo Dumbría vai ser o Campionato Galego de Promoción de Slalom, que terá lugar en Mondariz a fin de semana do 21 de setembro.