Indurain e Chiapucci estrearon a Penelas Bikes, a revolución da bici integral "made in Costa da Morte"
”Por que pedalear só cos pés ou só cas mans?” Algo así debeu pensar o enxeñeiro vimiancés Tomás Trillo Pérez, que vén de protagonizar unha verdadeira revolución do mundo da bicicleta coa creación da Penelas Bikes, a “bicicleta integral” made in Costa da Morte que se presentou onte na previa do Gran Fondo Ézaro. Nada menos que Indurain e Chiapucci para estreala, antes de facer as maletas para percorrer o seu particular camiño de Santiago á inversa, realizando unha ruta polos países europeos con máis afinidad polo ciclismo como Francia ou Holanda.
A Penelas Bikes é froito da inventiva de Tomás Trillo Pérez, un novo enxeñeiro da Costa dá Morte que tras case 5 anos de duro traballo. PB é unha bicicleta, ou mellor dito, un ciclo xa que pode configurarse con 2 ou 3 rodas- que grazas ao seu sistema patentado internacionalmente permite usar brazos e pernas ao mesmo tempo. A posición recostada do usuario mellora a posición de empuxe polo que tamén aumenta a ergonomía e a potencia. Esta é a gran novidade a primeira ollada pero a versatilidad de PB é máxima. Non só permite aumentar ou reducir o número de rodas segundo as necesidades ou gustos do usuario si non que tamén é plegable e conta cun cambio integrado na roda traseira superior ao habitual no mercado.
Renovarse ou morrer
Como tantas outras historias de emprendimiento nos últimos anos, PENELAS BIKES é froito do enxeño e a procura de novas oportunidades e mercados. O enxeñeiro de Vimianzo Tomás Trillo Pérez leva desde 2010 con esta idea dun ciclo máis eficiente que permita aproveitar o conxunto do corpo durante o exercicio. Trala realización dos primeiros bocetos, tarefa que compaxinaba co seu traballo nunha empresa de obra civil, chegou o mazazo da crise e a necesidade de renovarse. Foi a faísca necesaria para centrarse no “proxecto PB”. Os comezos foron arduos e complicados pero en 2012, trala elaboración case artesanal do primeiro prototipo, o resultado era suficientemente satisfactorio como para solicitar a patente que chegaría meses máis tarde.
Un dos maiores obstáculos atopados por Tomás no proceso foi a homologación, que obrigou ao rediseño de varias pezas do ciclo para adaptarse á normativa legal. É entón cando xorde a colaboración con GERCA, empresa de Vimianzo especializada na fabricación de produtos en metal e “nai” da marca de mobiliario de deseño KÜPU. Grazas ao apoio de Gerca púidose conseguir a flexibilidad necesaria para cumprir os requisitos de homologación e terminar a fabricación dun prototipo viable desde o punto legal e comercial.
Campaña por crowdfunding
En paralelo, xa se traballa para poñer en marcha unha campaña de recaudación de fondos vía crowdfunding para a súa promoción e financiamento. Sexa con dous ou con tres rodas, Galicia móvese e PENELAS BIKES é a proba viviente.
novas relacionadas
Fonte
- Redacción de QPC (info@quepasanacosta.gal).
