José Manuel Pequeño non se presentará ás eleccións municipais
![Jose Manuel Pequeno deixa a politica](/asset/thumbnail,992,558,center,center/media/quepasanacosta/images/2023/01/19/2023011917180383972.jpg)
Unha das grandes novidades destas eleccións municipais do 28 de maio de 2023 chega dende Dumbria. José Manuel Pequeño vén de anunciar que non se presentá á reelección. O eterno alcalde socialista dá un paso a un lado, que non atrás, despois de 40 anos como alcalde, todas as lexislaturas con maioría absoluta.
Todas menos a primeira, aló por 1983, que formou parte dunha candidatura independiente, conseguindo xa a maioría no 87 presentádose por Coalición Progresista Galega, antes de pasarse ao PSOE no 1991.
![OLYMPUS DIGITAL CAMERA](/media/quepasanacosta/images/2023/01/19/2023011917320255568.jpg)
Aínda a aprobación da Asemblea e terán que ser os afiliados os que decidan, pero os edís socialistas da corporación apostan por Raúl González para o relevo. “É certo que temos algo falado pero hai que respetar os tempos, e aos afiliados, eles son os que teñen que decidir”, sinala con prudencia.
En calquera caso, Raúl amósase sorprendido pola decisión tomada por Pequeño. “Estranoume a verdade, porque aínda está forte, aínda está a tope. Temos que apoveitar toda esa experiencia”.
Esta será a 4ª lexislatura de Raúl como edil. Entrou precisamente nas eleccións do 91, e sempre formou parte da corporación, ademais de levar moitos anos á fronte da Agrupación de Voluntarios de Protección Civil.
Ë un home de rúa. “A min sempre me deu estar na segunda liña, pero os compañeiros da corporación dinche que están todos conmigo, así que terei que dar o paso”, apunta sempre cauto e respectuoso cos prazos organizativas da Agrupación Socialista.