Temos de todo na Costa da Morte. Unha praia de Cristais, unha praia das Vacas, algunha praia privada, unha marea de boleiras… Pero tivo que aparecer a boa de Palmira Castro, ben coñecida como Mimadriña, para descubrirnos a Praia das Latas do Casón.

Xa temos falado da histeria colectiva provocada do Casón. Pero as consecuencias aínda as levamos sufrindo en todos os estes anos.

Lixeiramente ao sur da praia do Rostro, unha pequena caliña recibe ano tras ano dende aquel 1987, latas enferruxadas do finado buque. Un buque que esmorece aí diante da costa do Rostro, ou máis ben que se mantén máis vivo ca nunca, pois os mergulladores aseguran que aló embaixo estas altas enferruxadas forman placas de metal que parecen espellos.

A area da caliña tornouse algo escura dado o óxido férrico das latas, e centos deste material metálico esmorece no litoral á espera dunha nova vida.

Son latas enferruxadas en forma de crebas, un tesouro para esas persoas que saben devlverlle a vida a natureza morta. Estade atentos, que a boa de Palmira seguro que algo está armando con tanta valiosa e simbólica creba.

Novas relacionadas

• Casón: 25 anos da histeria colectiva provocada.
• Manuel Caamaño: Lembranzas do Casón.
• Mimadriña tamén viste a cociña.
• Entrevista Mimadriña: “Moita xente pequena, facendo cousas pequenas, en lugares pequenos…”.

Fonte

• Redacción de QPC ([email protected]).
• Mimadriña.