Martes. 07.12.2021
El tiempo

"A voz que temos en Fisterra non a teñen por aí"

"A voz que temos en Fisterra non a teñen por aí"
Impresionante ver como a música da nosa fin do mundo traspasa fronteiras. I é que como asegura o director do Colexio Nosa Señora do Carmen, de Fisterra, Carlos Velasco, "o recuncho desta terra é diferente, en Fisterra hai un arte especial". I é que "aos fisterráns xa nos temen, que a voz que temos aquí non a teñen por aí...", congratúlase Don Carlos. O Coro, dirixido polo mestre Ramón Domínguez, ou máis coñecido como Moncho de Fisterra, levou, por terceiro ano consecutivo, o 1º Premio Nazaret no Concurso Nacional Vocacional de Música da Sagrada Familia, que se celebrou esta pasada fin de semana en Barcelona no Festival "Late conmigo". E por partida doble porque se eran dous grupos de coristas os que se presentaban, os dous arrasaron. O primeiro grupo, os dos máis peques, o Grupo "Fin do Camiño", estaba formado por alumnos de entre 5º de primaria a 2º da ESO, e levaron o premio pola composición propia de música e letra da canción "Tú me das voz" (pequenos). Os maiores do Grupo ‘Mar de Fora’ (de 3º da Eso ata Bachiller, isto é entre 15 e 18 anos), fixeron o propio co tema “Quiéreme Jesús”. Pero se cada grupo estaba formado por 12 coristas, a expedición completa fisterrá estivo formada por 55 persoas. I é que os pequenos teñen nas súas avoas ás súas mellores máis fieis siareiras. Foron nada menos que 18 as avoas que acompañeron aos seus netos, contando 4 avoas que "son as chicas de oro, coñecen máis festivais non se perden un", como asegura o propio Velasco, encantado de levalas por España adiante.

Cantar si, pero sobre todo convivir

Para que nos decatemos da incidencia do Festival da Canción dos colexios de Hermanos de la Sagrada Familia, podemos sinalar que son máis de 200 rapaces de toda España os que participan no festival. Pero o que destacaría Velasco de todas estas xuntanzas dos colexios, son as convivencias. De feito, en Barcelona coincidiron máis de 1.000 rapaces, ao igual que nas últimas xuntanza en Gavá, Burgos, Palma, Madrid... A seguinte, veremos se pode ser en Fisterra e así aforrar as 16 horas de viaxe ata o mediterráneo... Gran satisfacción pois en Fisterra con este novo premio. Pero tamén en Carnota xa que Moncho é o mestre de gaita e percusión tradicional na Escola de Música de Carnota. Dende alí tamén lle mandan os mellores parabéns e se amosan moi orgullosos da vitoria.

Novas relacionadas

Fonte

comentarios