Está nunha mala época o pobo de Fisterra en canto a traxedias. Aínda co pasamento do cativo de 8 anos na mente, onte luns, un home de arredor de 60 anos, caía do tellado da súa vivenda na entrada de Fisterra, cando limpaba os cristais da casa. O helicóptero medicalizado con base en Santiago de Compostela evacuábao despois de ser chamado polo 112, a raíz da chamada dun particular ás 13:40h, que indicaba que a persoa, trala caída, estaba a sangrar.

Despois de 24 horas no Hospital, o home non conseguía saír adiante e hai pouco nos confirmaban que falecía. Segundo fontes cercanas era un home moi querido tanto en Fisterra como en Cee, onde fora mestre.

Novas relacionadas

• 13-04-15: Un peón faleceu en Cabana despois de ser atropelado por un turismo.
• 02-04-15: Falece un neno de 8 anos ao caer dun balcón en Fisterra.
• Un home foi evacuado polo helicóptero medicalizado tras sufrir un accidente doméstico en Mazaricos.
• 02-03-15: Arde en Mazaricos a maquinaria dun taller.
• 11-02-15: Un incendio no centro de Carballo causa dous feridos.
• 19-01-15: Calcinada unha vivenda en Corcubión.
• Un coche queda calcinado diante do cruceiro de Seiruga.

Fonte

• Redacción de QPC ([email protected]).