Feijoo escoitou as demandas das familias de Fisterra contra o precario servizo de pediatría
Nin mirou para as familias, pero escoitar si que as escoitou. Visitaba Fisterra o presidente da Xunta, Alberto Núñez Feijoo, e case un centenar de persoas, de toda a comarca (Dumbría, Muxía, Zas...) pero sobre todo de Fisterra, quixeron “recibilo”. Con cacerolada e pitada, ducias de familias esperábano este mediodía na praciña do Lavadoiro da Mixirica para protestar polo precario servizo de pediatría de Fisterra e de toda a Costa da Morte.
A berro de “incompetente” de “Coa sanidade dos nen@s non se xoga”, as familias deixaron patente a situación de indefensión do rural galego. Cando chegou o presidente foi un momento de explosión de rabia das familias, ao ver que nin sequera se xirou a miralas.
Dase a situación que xa pasou un mes dende que o Centro de Saúde fisterrán quedou sen pediatra, e a previsión era que se reincoporara precisamente este mércores 19 de febreiro, pero están cancelando as citas.
Houbo tempo ata para berrar polo Centro de Día de Corcubión. E agora toda a comarca xa pensa na manifestación deste venres 21 en Cee.
Novas relacionadas cos recortes en pediatría
- As familias da Costa da Morte únense nunha concentración contra os recortes do servizo de pediatría este venres 21 de febreiro.
- Febreiro 2020: A Costa da Morte tamén berrou por unha Sanidade Pública Digna en Compostela.
- Febreiro 2020: O BNG presenta mocións nos Concellos para dar solucións aos problemas de pediatría.
- Xaneiro 2020: A marcha das pediatras de Cee e Camariñas, e a baixa do de Fisterra, complican aínda máis o mapa pediátrico costeiro.
- Xaneiro 2020: O precario servizo de pediatría na Costa da Morte volve ao Parlamento Galego.
- 2020: As familias de Fisterra tamén se levantan pola falta de pediatra.
- Xaneiro 20: O PSOE carballés leva ao pleno a carencia de pediatras e falta de solucións por parte da Xunta.
- O 2020 comeza con novos recortes no servizo de pediatría de Zas.
- 2019: Como é o estado de saúde do servizo de pediatría en Cee?
- 2014: Por un segundo pediatra para Cee e Corcubión.