Este pasado sábado o pobo de Fisterra vivía o nacemento dun novo libro, o do primeiro poemario de María José lago Traba. Unha presentación, que como todas as que se desenvolven na vila do Cristo e relacionadas coa literatura, tivo unha moi boa acollida. Máis de cen fisterráns, e de moitas partes de Galicia, acudiron á chamada dos fados da literatura, como apunta o propio Modesto Fraga, un dos invitados a participar no debate, para compartir o misterio e a dozura da palabra. O hotel Cabo Finisterre fixo de marco ideal para a presentación. Escoltando a Marisé estaban os pesos pesados do eido cultural e da poesía da vila do Cristo. De esquerda a dereita vemos a Roberto Traba Velay, o concelleiro de Cultural Santiago Insua, a propia Marisé, Modesto Fraga e Alexandre Nerium. Trátase do primeiro poemario de Marisé, e do seu primeiro libro en galego. Ten por título "Sorriso das tebras" e vén sendo un conxunto de poemas máis ou menos persoais sen unha temática concreta.

Máis información

• Web de Modesto Fraga: Presentación do "Soriso das tebras".

Novas relacionadas

• Cando ronca o vendabal: A literatura costeira está de noraboa.
• Modesto Fraga, novo candidato do BNG de Fisterra.

Fonte

• Redacción de QPC (info@quepasanacosta.gal).
• Información de Modesto Fraga.